Chelera

De Biquipedia

Una chelera ye una masa gran de chelo formata á partir de l'acumulazión de nieu en zonas on s'acumula més que se rebiene. Esta nieu la apisona la nieu que cai l'añata binient e recristaliza.

Dimpués de recristalizar lo chelo, que tiene propiedaz plasticas, se deforma e ba fluyendo por l'azión de la grabedat ta las zonas baxas e calients on se funde.

Lo chelo de la chelera esdebién un achent cheolochico important, que sin controbuir á la meteorizazión, produze en cambeyo una intensa erosión, un trasporte e una sedimentazión.

[editar] Etimolochía

En aragonés se diz chelera, forma que ye l'equibalent fonetico á geleira en galaicoportugués. En la mayor parte de las luengas europeyas se diz chelera con un deribato de l'arpitán glacier, trasmeso por lo franzés. Glacier probién de glace, "chelo", que ye a eboluzión de lo latín glacia. Cuan lo cheologo e paleontologo uescán Lucas Mallada traduziba un libro franzés ta lo castellán e se trobó la parabra glacier, que no teneba en prenzipio equibalent en castellán, escribió yo a esto lo llamo chelera, pero me temo que esta palabra no es muy castellana.

[editar] Tipos de cheleras

Bi n'ha muitos tipos, pero los fundamentals son:

• Cheleras de casquet: cubren amplas estensions, lo chelo s'acumula en o zentro de se muebe ta la periferia enta totas direzions. Son las cheleras que bi ha en los polos.
• Cheleras de bal: ocupan lo cabo d'una bal dende on baxan ocupando lo fundo dica un puesto on se funde lo chelo. Los glaziars perinencos son un soztipo de chelera de bal, que nomás cubre la parte alta de la bal, (zirco), e por ixo son "cheleras de zirco".