America
De Biquipedia
| America | |
|---|---|
| Continent | |
.svg) |
|
| Entidat | Continent |
| Superficie • Total |
42.549.000 km² |
| Población • Total |
910.720.588 hab. |
| Estatos | 35 |
| Dependencias | 23 |
| Zonas horarias | UTC-10 a UTC |
| Chentilicio | Americán/a |
America, as Americas, u lo Nuevo Mundo ye un continent u división d'o mundo que s'estendilla en l'hemisferio occidental d'a Tierra dende l'Ocián Glacial Arctico por o norte dica quasi l'Ocián Glacial Antarctico por o sud, y ye a la suya vegata delimitato por l'Ocián Pacifico a l'ueste, y por l'Ocián Atlantico a l'este.
Ye formata por dos subcontinents: America d'o Norte, que encluye a la suya vegata a Centroamerica, y America d'o Sud.
Luengas [editar]
O numero total de luengas d'America blinca d'as 500, entre idiomas, dialectos y patois. Os prencipals son os idiomas d'os países colonizadors europeus seguitos por as luengas d'as prencipals culturas andinas.
- O castellán ye charrato por más de 360 millons de presonas en Mexico, Centroamerica y America d'o Sud. Existen importants comunidatz de hispanofablants en Estatos Unitos y en bellas islas d'o Caribe.
- L'anglés ye charrato por 352 millons de presonas. Ye oficial en Estatos Unitos, Canadá, Belize, Guyana y atros territorios d'o Caribe.
- O portugués ye oficial en Brasil, con 185 millons de fablants.
- O francés ye fablato en bellas islas d'o Caribe, en Quebec (Canadá) y en a Guayana Francesa.
- O quechua ye una luenga nativa con 12 millons de fablants. Ye a luenga oficial de Bolivia y de Perú. Bi ha minorías en Chile, Colombia y Archentina.
- O guaraní ye fablato por 6 millons de presonas en Paraguai, a on ye luenga co-oficial.
