Impuesto
De Biquipedia
Un impuesto ye una cantidat de diners desichita por as almenistrazions publicas á los ziudadans e á las interpresas d'una rechión, territorio u país, como contrebuzión á lo gasto publico. O impuesto ye un treudo que se carauteriza por fer surtir obligazions pecuniarias á fabor de l'acreyedor tributario rechito por o dreito publico e no requiere de denguna contraprestazión por parti de l'almenistrazión. O impuesto aparixe esclusibament como consecuenzia d'a capazidat economica d'o contrebuyent. O campo d'as zenzias economicas que estudeya os impuestos son as finanzas publicas, mientres que o campo d'o dreito, ye o dreito tributario.
[editar] Exemplos d'impuestos
Bels impuestos autuals son:
- O impuesto sobre a balor añadita (IBA) que s'aplica á los articlos benditos.
- O impuesto sobre a renda.
- O impuesto de zirculazión de beíclos.
- Os impuestos espezials sobre produtos como l'alcol u o tabaco.
[editar] Impuestos antigos
Entre os impuestos antigos se trobaban:
- O boalache, impuesto que pagaban os ganaders por os bueis.
- O carnarache que se pagaba por o paso d'o bestiar transuant por os dominios reyals.
- O erbache que se pagaba por aprobeitar os pratos u defesas ta paxentar.
- O fogache que yera o recuento de poblazión que se feba ta recautar os impuestos.
- O pontache por pasar por un puent.
- A peita que se pagaba á os siñors feudals.
