Pueyo

De Biquipedia
Ir ta: navego, busca
Este articlo ye sobre una traza d'accident cheografico; pa atros usos, se veiga Pueyo (desambigación).
Uno d'os dos pueyos de Los Bondons (Losera).
Dos pueyos, o Puy de Montjuger y Puy de Pourcharet en Puy-de-Dôme, (Occitania).

Un pueyo, cabezo u tozal ye una part d'o terreno se vei més elevato que os terrenos d'arredol. Se gosa aplicar a un mont de mida chica y en podemos trobar arredol d'una cordelera, y tamién aislatos en una plana, como o Pueyo de Cebolla. Manimenos as tucas de bells monts reciben esta denominación por destacar respecto d'o resto d'a sierra u macizo on son presents.

A parabra pueyo con significato topografico ye tipicament aragonesa, se troba muito en a toponimia, encara que a castellanización ha feito que muitos toponimos con Pueyo haigan desapareixito y haigan quedato reinterpretatos como pollo, royo y de muitas trazas. A forma pueyo ye cognato de l'occitán puy/puech y d'o catalán pui. En aragonés os toponimos compuestos de "Pueyo de" + sustantivo pueden quedar abreviatos como "Pui de", en qualsiquier part tot d'o territorio sin estar por influencia occitana u catalana.

L'abundancia de releus volcanicos en o Macizo Central francés ha feito que o francés haiga amprato como termin cheolochico a parabra occitana puy con o sentito de pueyo d'orichen volcanico, sobretot os conos de cenisa.

A parola "tozal" presenta diferents significatos en diferents zonas d'Aragón, a vegadas coincidents con "pueyo"/"cabezo", y a vegadas no. Muitos tozals d'Os Monegros corresponden a unas formas derivatas d'o releu estructural a on a erosión plega a producir monolitos en laderas con alta pendient, que rematan en un resto de roca dura que proteche a lo conchunto d'a erosión y que presenta una chicota extensión horizontal.[1] En a Ribera Baixa de l'Ebro un tozal ye un pueyo con poca altaria. En qualques zonas montanyosas pirenencas os tozals son penyas, tormos u crestas sin vechetación que bi ha en os cabaltos d'os monts y sierras.

Referencias[editar | editar código]

  1. Fernando Biarge: Piedra de Arena. El paisaje monegrino. Ediciones del Mallo 2004. p 60

Se veiga tamién[editar | editar código]