Campo de Borcha

	Campo de Borcha; Campo de Borja
	Comarca d'Aragón
	; Almendreras en o Campo de Borcha.
Capital; •Municipios	Borcha; 18
Entidat; •País; •Provincia	Comarca; Aragón; Zaragoza
Superficie; •Total	; 690,5 km²
Población; •Total; •Densidat	; 14.326 hab. ; 20,74 hab./km²
	; Mapa de situación en Aragón
	Pachina oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ta atros emplegos d'o termin Borcha se veiga Borcha (desambigación).

O Campo de Borcha (en castellano Campo de Borja) ye una comarca aragonesa situata en a provincia de Zaragoza.^[1] Destaca en ista comarca a elaboración de víns con denominación d'orichen.

Muga a o norte con Navarra, a l'ueste con Tarazona y Moncayo, a o sud con Aranda y a Val de Xalón y a l'este con a Ribera Alta de l'Ebro y as Cinco Villas.

D'a comarca de Campo de Borcha fan parte 18 municipios. A suya población ye de 14.326 habitants en una superficie de 690,5 km², con una densidat de población de 20,74 hab/km².

Capital: Borcha^[2]
Superficie: 690,5 km²
Población: 14.326 habitants

Demografía

Evolución demografica^[3]
Anyada	1900	1910	1920	1930	1940	1950	1960	1970	1981	1991	1998	2010
Habitants	22.880	21.447	22.043	21.428	21.241	21.272	19.616	17.254	15.580	14.632	13.968	15.517

Territorio y población

Municipio	Superficie (km²)	% d'o total	Población (2010)	% d'o total	Altaria (metros)
Agón	18,52	2,68	166	1,07	312
Ainzón	40,46	5,84	1.269	8,18	429
Alberit de Sant Chuan	11,23	1,62	101	0,65	375
Albeta	2,65	0,38	141	0,91	412
Ambel	61,31	8,86	305	1,97	575
Bisimbre	11,16	1,61	109	0,70	320
Borcha	106,70	15,41	5.042	32,49	448
Bulbuent	25,52	3,25	248	1,60	520
Bureta	11,90	1,72	269	1,73	410
Frescano	18,41	2,66	220	1,42	302
Fuent de Xalón	75,83	10,95	953	6,14	472
Magallón	78,60	11,35	1.205	7,77	419
Maleixán	2,80	0,40	344	2,22	472
Mallén	37,42	5,41	3.704	23,87	293
Noviellas	25,27	3,65	626	4,03	239
Pozuelo d'Aragón	32,09	4,54	342	2,20	412
Tagüenca	85,49	12,35	412	2,66	778
Talamantes	46,90	6,78	61	0,39	924
Total	692,26		15.517

Historia

Os lugars arredol d'a val d'a Uecha han teniu perén una personalidat comarcal propia. Con os Decretos de Nueva Planta, Felipe V Borbón imposó lo clamau Corregimiento de Borcha en 1711. Iste comprendeba los siguients lugars: Agón, Ainzón, Alberit de Sant Chuan, Albeta, Alcalá d'Ebro, Ambel, Bisimbre, Boquinyeni, Borcha, Bulbuent, Bureta, Cabanyas d'Ebro, Figueruelas, Frescano, Fuent de Xalón, Gallur, Ganyarul, Grisén, Luceni, Lumpiaque, Magallón, Maleixán, Mallén, Mazalcoraz, Noviellas, Oitura, Pedrola, Pleitas, Pozuelo d'Aragón y Saliellas de Xalón.^[4]

En 1834 o Corregimiento de Borcha se transformó en o Partiu Chudicial de Borcha. A nueva división administrativa comprendeba los siguients lugars: Agón, Ainzón, Alberit de Sant Chuan, Albeta, Ambel, Bisimbre, Boquinyeni, Borcha, Bulbuent, Bureta, Calcena, Frescano, Fuent de Xalón, Gallur, Ganyarul, Huechaseca, Luceni, Lumpiaque, Magallón, Maleixán, Mallén, Mazalcoraz, Noviellas, Pomer, Pozuelo d'Aragón, Purullosa, Tagüenca, Talamantes y Trasobars.

O Partiu Chudicial de Borcha deixó d'existir en 1965. En 1968 se creyó lo Centro d'Estudeos Borchanos pa promocionar a investigación cientifica en o campo d'as humanidaz en o Campo de Borcha.

L'autual comarca se constituyió lo 17 de chinero de 2001. As suyas competenzias le estioron trespasadas l'1 d'abril de 2002.

Clima

O Campo de Borcha tien un clima mediterranio continental con veranos largos y calurosos de temperatura meya de dica 25 °C y hibiernos con temperaturas meyas de bels 8 °C. As precipitacions meyas anyals son entre os 250 y 400 mm, y son mas frecuents entre a primavera y l'agüerro. O cierzo, aire fredo y ixuto, bufa entre tot l'anyo.^[5]

Economía

A comarca destaca en a elaboración de vins que poseyen la Denominación d'Orichen Campo de Borcha. A suya producción d'aceite de oliva ye tamién destacable.

Amás, en zagueras, s'han establius diversas interpresas dedicadas a la fabricación de components pa l'automoción.

Gastronomía

Migas con churizo, ugas y uegos fritos.
Liapre con roz, tipico d'Ainzón.
Zarracatralla, tipico de Borcha.
Pimientos farcius de Mallén.
Rancho.
"Palmo", un troz de lenguaniza d'un palmo de longaria que se mincha con pan o clamau Chueves lardero.
Pan de Sant Chorche d'Ambel.

Laminerías

Culeca.
Pastas blancas d'Ambel.
"Saboyanas" de Pozuelo d'Aragón.
Biscuetos de Borcha.
"Pastel d'os Santos", ye tipico de Tagüenca^[6] y se mincha lo cuarto domingo de Cuaresma, tamién astí clamau Domingo de pastels.
Sopa dulce de Mallén.

Se veiga tamién

Lista de molimentos d'o Campo de Borcha.

Referencias

↑ (es) Campo de Borja, Red Natural de Aragón n°26, Prames, 2009, ISBN 978-84-8321-826-6, p.10
↑ (es) COMARCA DEL CAMPO DE BORJA en a Gran Enciclopedia Aragonesa
↑ (es) https://ec.europa.eu/regional_policy/archive/sources/docconf/depop/document/aragon_es.pdf TERRITORIO Y POBLACIÓN EN ARAGÓN,Informe para la Conferencia sobre regiones despobladas y políticas estructurales de la Unión Europea,2001, PDF (140 KB)
↑ (es) Isidro Aguilera Aragón, M. Fernanda Blasco Sancho:Comarca del Campo de Borja, Deputación Cheneral d'Aragón, 2004, ISBN 84-96223-41-8, p.163
↑ (es) Meteorología en La Ruta de la Garnacha.es
↑ (es) "calendario gastronomico" en a pachina web Gastronomía Aragonesa d'o Gubierno d'Aragón.

Municipios d'a comarca Campo de Borcha
Agón \| Ainzón \| Alberit de Sant Chuan \| Albeta \| Ambel \| Bisimbre \| Borcha \| Bulbuent \| Bureta \| Frescano \| Fuent de Xalón \| Magallón \| Maleixán \| Mallén \| Noviellas \| Pozuelo d'Aragón \| Tagüenca \| Talamantes