Villafelich

Villafelich
Municipio d'Aragón
Entidat  • País  • Provincia  • Comarca	Municipio  Aragón  Zaragoza Comunidat de Calatayú
Superficie	22,5 km²
Población  • Total	154 hab. (2013)
Altaria  • Meyana	724 m.
Distancia  • 95 km	enta Zaragoza
Alcalde	Guadalupe Victoria
Codigo postal	50391
Parroquial  • Archidiocesi  • Arcipestrau	Zaragoza Daroca
Coordenadas	41°11’44’’N 1°30’37’’U
Villafelich Villafelich en Aragón

Villafelich (Villafeliche en castellán) ye un municipio de la provincia de Zaragoza, situato en la comarca de la Comunidat de Calatayú. La suya población ye de 200 habitants (2010), en una superficie de 22,5 km² y una densidat de 8,88 hab/km².

Cheografía

Ye situato en la depresión de Calatayú-Daroca.

Mugas

Lo suyo termin municipal muga con Langa, Murero, Atea, Montón y Miedes d'Aragón.

Toponimia

S'escribiba tamién en latín medieval como Villafelice u Ville Felicis. La primera mención ye de 1120. En textos escritos en aragonés medieval se troba a sobén como Villafelich u como Villafelig, con la tipica perduga de la -e final. Tamién existiba un toponimo documental adaptato a la forma teorica en aragonés Villa Feliz, pero que no s'imposó a l'anterior forma.

Lo toponimo Villafelich se remonta a un Villafeliche, que ye de fonetica mozarabe. L'arabe hispán manteneba la fonetica de los toponimos mozarabes de lo sieglo VIII y la conservaba, encara que lo mozarabe evolucionase y ya en tenese formas mas evolucionatas en lo sieglo XII.

Historia

Dende lo sieglo XVI bi heba fabricas de polvora, que yeran molins que aproveitaban a fuerza hidraulica de lo río Xiloca, a sal d'Epila, l'ixufre de Teruel y lo carbón vechetal local. Estas fabricas yeran unas 200 en 1800 y teneban la categoría de Fabricas Reyals. Dimpués de tener un paper fundamental en a Guerra de lo Francés y en concreto en los Setios de Zaragoza, en 1830 Ferrando VII las trancó. Dica 1964 encara existiba una actividat clandestina como economía codigo_postaluzata en ixos molins.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón	-	3	7	6	5	5	5	5	5
Partido Aragonés	-	3	-	1	-	0	-	0	0
Partido Popular	3*	1	-	-	2	0	0	0	0
Unión de Centro Democrático	4	-	-	-	-	-	-	-	-
Total	7	7	7	7	7	5	5	5	5

* Coalición Democrática: Alianza Popular, Acción Ciudadana Liberal, Partido Democrático Progresista, Renovación Española y Partit Popular de Catalunya

Alcaldes

Lista d'alcaldes

Lechislatura	Nombre	Partito politico
1979–1983	Jesús Sebastián Viota	UCD
1983–1987
1987–1991
1991–1995
1995–1999
1999–2003
2003–2007
2007–2011	Agustín Caro Esteban	Partido de los Socialistas de Aragón
2011–2015	Agustín Caro Esteban	Partido de los Socialistas de Aragón

Puestos d'intrés

• castiello.
• Ilesia de Sant Miguel.
• Casa d'o lugar.
• Ermita de Sant Roc.
• Restas de l'ermita de Sant Marcos.
• Reyal fabricas de polvora.

Presonaches celebres

• Ignacio Delgado y Cebrián, relichioso de lo sieglo XIX.

Fiestas

• Sant Marcos, Sant Chuan y Sant Inacio, 4-7 d'agosto (patronals).

Veyer tamién

• Lista de municipios de Zaragoza

Localidatz achirmanadas

• Villafelice (Colfelice)