José María Enguita Utrilla
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| José Mª Enguita Utrilla | |
|---|---|
| Información personal | |
| Calendata de naixencia | 1950 |
| Puesto de naixencia |  Soria
|
| Ocupación | Filologo y profesor universitario |
José María Enguita Utrilla (Soria, 1950) ye un filologo y profesor universitario, catedratico de luenga espanyola en a Universidat de Zaragoza[1] y director actual de l'Archivo de Filología Aragonesa[2] en a Institución «Fernando el Católico».
Succesor de Tomás Buesa en a catedra de luenga espanyola, ha continau as linias d'estudeo d'aquell sobre o espanyol d'America Latina y sobre dialectolochía aragonesa.
Formación[editar | modificar o codigo]
Estudeó Filolochía Romanica en a Facultat de Filosofía y Letras d'a Universidat de Zaragoza dende 1969 dica 1973. Se doctoró en a mesma universidat con a tesi doctoral La influencia americana en el léxico de la "Historia general y natural de las Indias", de Gonzalo Fernández de Oviedo en 1980, con Premio Extraordinario de Doctorau.[1]
Docencia[editar | modificar o codigo]
Como docent, l'amostranza l'ha feito más que más sobre luenga espanyola y as relacions lingüisticas entre America y a Peninsula Iberica, sobre a historia d'a luenga espanyola y sobre dialectolochía hispanica.[1] A dintro d'esta zaguera, ha tocau bellas veces a Filolochía aragonesa.
Atras aportacions[editar | modificar o codigo]
En colaboración con María Antonia Martín Zorraquino ye autor de Las lenguas de Aragón (Zaragoza, 2000),[1] una obra que s'ha tomau de referencia posteriorment. Ye coautor de bells articlos sobre aragonés y o proceso de castellanización d'Aragón,[3] escritos con Mª Luisa Arnal en os primers anyos 1990, quan esta tematica encara no teneba guaire cobertura dende una optica academica.
Dende 1985 dica 2006 estió lo secretario d'a sección de filolochía d'a Institución «Fernando el Católico».[1] y secretario de l'Archivo de Filología Aragonesa, que edita ixa entidat. Dende 2007 ye o director de l'AFA.[1]
Referencias[editar | modificar o codigo]
- ↑ 1,0 1,1 1,2 1,3 1,4 1,5 (es) Ficha de personal en a web d'a Universidat de Zaragoza. Consultada o 3 de mayo de 2019.
- ↑ (es) Publicaciones en a web d'a Institución «Fernando el Católico», consultada o 3 de mayo de 2019.
- ↑ (es) María Luisa Arnal Purroy en a web d'a Universidat de Zaragoza. Consultada o 2 de mayo de 2019.