Antepueyo

De Biquipedia
Ir a la navegación Ir a la búsqueda
Eixemplo d'antepueyo en las Bardenas Reyals.

Un antepueyo (de lo francés avant-butte) ye un pueyo testimonio con un grau d'erosión tan abanzau que ha perdiu lo libel duro de lo suyo cabalto, que protecheba de la erosión a los libels mes baixos y tovos. Son de mida meya,[1] menor que la de los pueyos testimonio de que proceden.

Pueden presentar formas conicas,[2], con lo cabalto de forma alomada (redondeyada y convexa), perdendo la horizontalidat de lo pueyo testimonio anterior.

Igual que los pueyos testimonio tipicos, son freqüents a lo piet de las muelas y frents de cuestas,[2] manimenos desapareixen con mayor velocidat por l'acción de l'augua de plevia y lo viento por no tener un material duro que lo acubille. [1]

Los antepueyos son freqüents en Los Monegros, en especial en la zona de Chubierre. Eixemplos d'antepueyos son las "Tetas de Robres", lo "tozal de San Andrés" en Usón y "La Espada" en Pallaruelo de Monegros. Lo "tozal d'el Castellar" en El Tormillo presenta actualment forma de predicadera y ye en lo cabalto d'un antepueyo.[1].

Fuera de los Monegros, Otón (Pozuelo d'Aragón), Burrén y Burrena (Frescano) son eixemplos d'antepueyo.[2]

Referencias[editar | editar código]

  1. 1,0 1,1 1,2 Fernando Biarge: Piedra de arena. El paisaje monegrino. Ediciones del Mallo. 2004, pp. 58-78.
  2. 2,0 2,1 2,2 Francisco Pellicer: Formas de relieve del centro de la depresión del Ebro. Institución Fernando el Católico. 1989 pp 63

Bibliografía[editar | editar código]