Magallón

De Biquipedia
Ir a la navegación Ir a la búsqueda
Magallón
Municipio d'Aragón
Bandera Escudo d'armas
Magallón - Plaza de España - Ermita de Nuestra Señora del Rosario.jpg
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Zaragoza province (with coat of arms).svg Zaragoza
Campo de Borcha
Superficie 78,37 km²
Población
 • Total

1157 hab. (2016)
Altaria 419 m.
Distancia
 • 56 km

enta Zaragoza
Codigo postal 50520
Chentilicio magalloneros
Coordenatas 41°49’55’’N 1°27’39’’U
Magallón en Aragón
Magallón
Magallón
Situación de Magallón en Aragón

Magallón ye un municipio aragonés d'a provincia de Zaragoza, situato en a comarca d'o Campo de Borcha. A suya población ye de 1.133 habitants (INE 2018), en una superficie de 78,37 km² y una densidat de 14,63 hab/km².

Cheografía[editar | editar código]

Ye situato en a Depresión d'Ebro chunto a la Uecha. En o termin municipal de Magallón se troba l'Entibo de la Loteta. Comprende o despoblato medieval de Razazol u Arrazazol citato por primera vegata en 1123, amán d'o lugar tamién despoblato d'Algars citato por primera vegata en 1153. Bi ha un casal clamato Fuent Pudia, citato ya en 1180.

Demografía[editar | editar código]

A población de Magallón ye de 1.133 habitants INE 2018). En 1900 yera de 2.813 habitants y en 1950 yera de 2.098 habitants.

Chentilicio[editar | editar código]

O chentilicio d'os habitants de Magallón ye magallonero.

Toponimia[editar | editar código]

D'acuerdo con Manuel Gargallo Sanjoaquín, que prene interpretacions de María Lourdes Albertos se remonta a la variant Magallius de l'antroponimo Magilius, antroponimo propio de Galia Lugdunense, Agri Decumates y bella rechión d'Italia. Se'n conoix a variant Magillius propia de Chermania Superior. Ixe antroponimo ye un derivato d'o galo Magilos. María Lourdes Albertos diz:

otros nombres del mismo radical con sufijo -k-, Magalos, Magallius

En o semontano de Moncayo bi ha dos zaicas que pueden remontar-se a lo mesmo antroponimo: Magallón grande y Magallón fiel.

Historia[editar | editar código]

Magallón amaneixe en a historia escrita quan en l'anyo 180 antes de nuestra Era, Caravis (autual Magallón), que ye aliada de Roma, ye sitiada per 20,000 guerrers celtíbers en o marco d'as guerras celtíberas.

Estió baixo dominio musulmán dende l'ano 711 de nuestra Era dica 1118 en que paso a formar parte d'o Reino d'Aragón.

En a primavera de 1363 estió ocupada per tropas castellanas entre la guerra entre Castiella y Aragón. Tres anyos dimpués aconseguiban liberar-la las tropas aragonesas.

En noviembre de 1591 estió ocupada breument per tropas castellanas entre la invasión castellana d'o Reino d'Aragón per parte de Felipe II de Castiella.

En agosto de 1706, entre la Guerra de Succesión Espanyola, l'exercito borbonico sitio y bombardeyo Magallón dica que plegoron tropas austracistas ta devantar lo sitio dende Zaragoza.

En 1707 Felipe V Borbón abolió lo Reino d'Aragón con os decretos de nueva planta. Magallón pasaba a depender de Castiella estando reduciu Aragón a una mera provincia.

En 1889 se fa a devantadera la linia de tren Borcha-Cortz con aturada en Magallón. Lo tren, clamau afectivament “escachamatas”, estió en activo dica 1955.

En 1899 se funda la banda municipal de mosica de Magallón con o nombre Sociedat Musical Santa Cecilia.

En 1936 un golpe d'estato que provoca una guerra civil arrociega a Magallón a 40 anyadas de dictadura de Francisco Franco.

En 1977 se recupera la Democracia.


Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
Partido de los Socialistas de Aragón 4 8 8
PAR 4 1 -
Partido Popular - - 1
CHA 1 - -
Total 9 9 9

Alcaldes[editar | editar código]

Lista d'alcaldes
Lechislatura Nombre Partito politico
19791983 Jerónimo Navarro Manero Partido de los Socialistas de Aragón
19831987 Jerónimo Navarro Manero Partido de los Socialistas de Aragón
19871991 Juan José Bona Brocate Partido Aragonés
19911995 Juan José Bona Brocate Partido Aragonés
19951999 Juan José Bona Brocate Partido Aragonés
19992003 Juan José Bona Brocate Partido Aragonés
20032007 Víctor Manuel Chueca Rodríguez Partido de los Socialistas de Aragón
20072011 Víctor Manuel Chueca Rodríguez Partido de los Socialistas de Aragón
20112015 Víctor Manuel Chueca Rodríguez Partido de los Socialistas de Aragón

Cultura[editar | editar código]

Luenga[editar | editar código]

En esta comarca se charraba aragonés dica que estió substituyiu per lo castellán u espanyol. En primeras a nobleza cambio la suya luenga orichinal per lo castellán arredol d'o sieglo XV con a dentrada d'a dinastía castellana d'os Trastamara a lo trono d'Aragón. Manimenos as clases populars mantenioron l'idioma aragones, chapurquiau cada vegada con prou castellanismos, dica meyaus d'o sieglo XIX quan s'introdució a escolarización obligatoria en castellán.

Morería[editar | editar código]

Dimpués d'a conquiesta cristiana de Magallón en 1119, parte d'a población musulmana emigró mientres que unatra parte, baixo lo nombre de mudeixars, se quedo vivindo en a parte d'a villa clamada la Morería.

O vico d'a Morería se situaba entre as actuals carreras d'o Cantón y Santa María. Un muro rodiaba este vico a lo como s'accedeba a traviés de seis puertas d'as qualas tant nomás queda lo arco d'a Purisma. [1]

Poco a poco los musulmans estioron convertindo-se a lo cristianismo u abandonando Magallón ta tresladar-se a atras morerías como la de Borcha. En 1495 ya no quedaba garra musulmán vivindo en Magallón.

Chudería[editar | editar código]

Los chodigos, encara que en escaso numero, puede que haigan viviu en Magallón dende l'epoca romana. Manimenos en a Edat Meya los reis cristianos afavorioron lo suyo asentamiento. Asinas en o sieglo XV la comunidat chudía constituyiba un 10% d'a población magallonera.

A chudería se situaba entre as actuals carreras de Joaquín Liso, San Miguel, Belén Zuloaga y a carrera d'o Castiello. [2]

En 1492 se decretó la expulsión de totz los chodigos y estioron mandaus a l'exilio.

Puestos d'intrés[editar | editar código]

Magallón - Ilesia de Sant Lorient
Magallón - Ilesia de Santa María de Huerta
Magallón - Ermita de nuestra Sinyora d'o Rosario

Fiestas[editar | editar código]

Referencias[editar | editar código]

  1. ’’La villa de Magallón, siglos XII-XX’’, Institución “Fernando el Catolico”, 2017, p. 63
  2. ’’La villa de Magallón, sieglos XII-XX’’, Institución “Fernando lo Catolico”, 2017, p. 85

Vinclos externos[editar | editar código]


Municipios d'a comarca Campo de Borcha
Agón | Ainzón | Alberit de Sant Chuan | Albeta | Ambel | Bisimbre | Borcha | Bulbuent | Bureta | Frescano | Fuent de Xalón | Magallón | Maleixán | Mallén | Noviellas | Pozuelo d'Aragón | Tagüenca | Talamantes