El Pueyo (Armiellas)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

El Pueyo El Poyo
Situación
Situación	Armiellas, Teruel, Aragón
Latitut
Lonchitut
Vértiz cheodesico
Cheografía
Cordelera	Sistema Iberico
Sierra	Sierra de Mont Albán
Macizo
Altaria	1.251 m
Primera puyada
Ruta mas fácil
Mapa

El Pueyo (Cabezo del Poyo en castellano), ye un cabezo vistable en lo cantimplano de la sierra de Mont Albán, sobre tot dende lo Norte. Cheolomorfolochicament ye un releu residual de 1.251 m d'altaria en bel meyo de la superficie d'erosión fundamental d'entre 1.050 y 1.100 m que se formó en lo Mioceno superior sobre materials carboniferos d'esta sierra.^[1] El Pueyo ye lo punto de muga entre los termins municipals de La Foz de la Viella, Mont Albán y Vivel, estando la localidat mes cercana Armiellas, en lo zaguer termin municipal.

Ye de fácil acceso dende lo termin d'Armiellas, encara que no bi haiga camín pa plegar a la cima, que ye redondeyada. En la versant sud bi ha allagars.^[2]

Toponimia

Se fa mención d'El Pueyo como muga de lo termin municipal de Teruel en la versión latina de lo fuero de Teruel:^[3]

...sicut exiit ad Fontem Salicis et ad Villarem Rubeum et ad podium Petri Eximini et ad Pignam de Cit, usque ad serram de Utrillis...

En lo fuero romanz de Teruel se nombra como Poyo de Peydro Ximeno d'acuerdo con la fonetica de l'aragonés teruelano:

..., et assín como ixe a la Fuent del Salze et al Villar Ruvio et al Poyo de Peydro Ximeno et a la Penna del Çit entroa la Sierra de Utriellas,...

En lo sieglo XVII bi ha una mención de João Batista Labanha en portugués como cerro del Pueyo que amuestra tanto la pervivencia d'un toponimo con fonetica aragonesa como la suya fosilización tautolochica en lo castellano d'ixa zona d'Aragón:

del cerro del Pueyo, que está de Armillas 1/2 L.

Referencias

↑ (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 96-100.
↑ (es) Julián M. Ortega Ortega, José Luís Ona González: Montalbán: Guía de monumentos, paisajes, fiestas y servicios turísticos, Instituto de Estudios Turolenses, Teruel, 2002. pp. 78-79.
↑ (es) M.J. Berrondo Urdampilleta: Datos históricos de Alcaine y Obón. Publicau en Teruel: Revista del Instituto de Estudios Turolenses, Vol. 87, nº 2, 1999, pp. 7-77.

Bibliografía

(es) Julián M. Ortega Ortega, José Luís Ona González: Montalbán: Guía de monumentos, paisajes, fiestas y servicios turísticos, Instituto de Estudios Turolenses, Teruel, 2002.

Datos: Q65397659

[GEOMORTERUEL-1] (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 96-100.

[MONTALBAN-2] (es) Julián M. Ortega Ortega, José Luís Ona González: Montalbán: Guía de monumentos, paisajes, fiestas y servicios turísticos, Instituto de Estudios Turolenses, Teruel, 2002. pp. 78-79.

[OBONARCAINE-3] (es) M.J. Berrondo Urdampilleta: Datos históricos de Alcaine y Obón. Publicau en Teruel: Revista del Instituto de Estudios Turolenses, Vol. 87, nº 2, 1999, pp. 7-77.

[1]

[2]

[3]