Tramacastiel

De Biquipedia
Ir a la navegación Ir a la búsqueda
Tramacastiel
Municipio d'Aragón

Anvista de Tramacastiel.
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Comunidat de Teruel
Superficie 47,38 km²
Población
 • Total

66 hab. (2016)
Altaria 879 m.
Distancia
 • 31 km

enta Teruel
Codigo postal 44133
Coordenatas 40° 10’58’’N 1°13’58’’U
Tramacastiel en Aragón
Tramacastiel
Tramacastiel
Situación de Tramacastiel en Aragón

Tramacastiel ye un municipio aragonés de la provincia de Teruel, situau en la comarca de la Comunidat de Teruel.

La suya población ye de 75 habitants (2015), en una superficie de 47,38 km² con una densidat de población de 1,56 hab/km².

Toponimia[editar | editar código]

Lo toponimo Tramacastiel ye considerau un mozarabe por la suya terminación en -iel. Manimenos esta terminación yera común tamién en aragonés medieval como variant de la terminación -iello, igual que podemos trobar escrito castiel muitas vegadas en cuenta de castiello en textos medievals d'atras zonas.

Microtoponimos intresants son manzaneros, La Alquería, Los Alcores, Las Lomas, El Rebollo, Las Suertes, Los Morrones, Hoya Embí, Morrita, Cerro de Casteldasnos, Pieza Roya, La Lastra, Barranco el Chotil y Tablas de la Cueva el Bu.

Cheografía[editar | editar código]

Tramacastiel ye situau en la estreita val d'un regacho a 879 metros d'altaria dencima de lo libel de la mar, entre la sierra de Penya Redonda y un eixe formau por La Serretilla y El Tormo (1.171 m), y a una distancia de 31 km de la ciudat de Teruel, la capital de la suya provincia.

La sierra de Penya Redonda presenta en lo termin municipal de Tramacastiel lo Cerrito Cuatreño (1.368 m), punto a on que Tramacastiel muga con los termins de Tormón, Rubials y la "manga" de lo termin municipal d'Albarrazín que bi ha entre Las Casiellas de Bezas y Ligros. Uns quantos barrancos baixan dende la versant este de la sierra de Penya Redonda y s'achuntan con atros barrancos que baixan dende lo norte orichinando lo regajo de Tramacastiel. Se considera que este regacho naixe a 700 m de Tramacastiel, dende a on que baixa en dirección Sud pa cayer en Guadalaviar a l'altura de Mas de la Cabrera, entre Libros y la muga con lo Rincón d'Ademuz. La suya ribera ye chica y con choperas. En los decenios de 1950 y 1960 bi heba un important cautivo de manzaneras de la variedat reineta.

Mugas[editar | editar código]

Lo suyo termin municipal muga con Castiel Fabib, con Tormón, con un cantón de lo termin d'Albarrazín, con Rubials, con Villel y Libros.

Historia[editar | editar código]

La primera mención de Tramacastiel ye de 1187, quan lo rei Alifonso II d'Aragón donó Villel a la Orden de Montegaudio, que dimpués fue absorbida por los templers.

Tramacastiel deixó de perteneixer a la Comanda de Villel en circunstancias desconoixidas y se sabe que perteneixió a los Ruíz de Castelblanc en 1200 chunto con Lo Cuervo, Tormón, Cascant, Valacroch, Sot y Chera. Por matrimonio entre una filla d'este linache y Blasco Ferrández d'Heredia, buena part d'estas localidatz pasoron a depender de los Ferrández d'Heredia adintro de la part serrana de lo Condato de Fuents.

Quan en 1581 se yera tramitando la deseparación u desligamiento entre la Diocesi d'Albarrazín y la Diocesi de Segorb Tramacastiel feba part (chunto con esta localidat, Alobras y Tormón), de lo Cuartillejo del Cuervo, un territorio en litichio entre las dos diocesis que quedó a la fin adintro de la Diocesi d'Albarrazín[1]. Tramacastiel feguraba encara como de lo Condato de Fuents en lo Itinerario del Reyno de Aragón (1610-1611) de João Batista Labanha.

Tramacastiel fizo part de la Sobrecollida de Teruel por lo menos entre 1446 y 1495. En 1646 perteneixeba a la Vereda de Teruel. Dende 1711 dica 1833 fació part de lo Correchimiento de Albarrazín[2].

Administración[editar | editar código]

Reparto de concellers[editar | editar código]

Eleccions municipals
Partiu 1979 1983 1987 1991 1995 1999 2003 2007 2011
Partido Aragonés 2
Partido de los Socialistas de Aragón 1
Total 3

Fiestas[editar | editar código]

Referencias[editar | editar código]

  1. (es) César Tomás Laguía: Las iglesias de la diócesis de Albarracín, Revista Teruel, nº 32, 1964, pp. 5-173.
  2. (es) Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. pp 1287-1288.


Lugars de lo municipio de Tramacastiel
Mas de la Cabrera | Tramacastiel


 
Municipios d'a comarca Comunidat de Teruel
Aguatón | Aguilar d'Alfambra | Alava | Alfambra | Almofalla | Alobras | Alpenyés | Archent | Beguiellas d'El Cuervo | Bellestar | Camanyas | Camariellas | Canyada Vellida | Cascant | Cedriellas | Celadas | Cella | Corbalán | Cubla | Lo Cuervo | Escoriuela | Cuevas Labradas | Exorcas | Fababuix | Fuents Calients | Galv | Libros | Lidón | Mont Agut | Orrios | Pancrudo | Peralellos | Perals | Lo Pobo | Riello | Río Deva | Santa Olalia | Teruel | Tormón | Torre la Cárcel | Torremocha de Xiloca | Tramacastiel | Valacroch | Villar Cremato | Villel | Visiedo