Molimento Natural d'as Cheleras Pirenencas
| Cheleras Pirenencas | |
 Chelera de l'Aneto | |
| Tipo | Molimento Natural |
| Establiu | 1990 |
| Superficie | 3.190 ha |
| Situación |  Alto Galligo, Sobrarbe y Ribagorza (Uesca) |
| Latitut | |
| Lonchitut | |
 1. Macizo d'os Moros; 2. Macizo d'Infierno; 3. Macizo d'a Comachibosa; 4. As Tres Serols; 5. L'Almunia; 6. Lardana; 7. Perdiguero; 8. Maladeta-Aneto | |
O Molimento Natural d'as Cheleras Pirenencas ye un molimento natural d'Aragón que fa parti d'o rete d'espacios naturals protechitos.
O molimento natural se declara en l'anyo 1990 ta protecher as cheleras pirenencas y s'enampla en l'anyo 2002 dica las actuals 3.190 ha. d'amplaria y as 12.897 ha. incluyindo a Zona Periferica de Protección.
Se troba entre os 2700 y os 3000 metros d'altaria en os siguients macizos:
- Macizo d'os Moros (Sallent de Galligo)
- Macizo d'Infierno (Pandicosa y Sallent de Galligo)
- Macizo d'a Comachibosa (Torla)
- L'Almunia (Bielsa)
- Tuca Lardana (Sant Chuan de Plan, Sagún y Benás)
- Tuca Perdiguero (Benás)
- Maladeta-Aneto (Benás y Montanui)
- Mont Perdito (Bielsa y Fanlo)
Se i pueden trobar amás d'os grans volumens de chelo, atras morfolochías singulars d'as cheleras como as morrenas, os ibons y as bacías. Belunas d'estas cheleras conoixioron una expansión mientres la chicota edat de chelo[1], pero actualment son en proceso de desaparición total.
O clima extremo fa que no sían muitas as especies animals y vechetals que se troban en istas cheleras, nomás bells sarrios y perdices nivals y tamién o guardafuents pirenenco (Calotriton asper), especie endemica d'istas tucas.
Atras feguras de protección[editar | modificar o codigo]
Coinciden en parti con o Molimento Natural atras feguras de protección:
- Parque Natural de Pocetz-Maladeta
- Parque Nacional d'Ordesa y d'as Tres Serols
- ZEPA de Pocetz-Maladeta
- PIC Capecera d'o Río Aguas Limpias
- PIC Alta Cinca, Ordesa-Comachibosa
- PIC Buixaruelo y Foz d'os Navarros
- PIC Pocetz-Maladeta
- PIC Puertos de Pandicosa, Bramatuero y Brazato
- PIC Alta Val d'a Cinca
- Reserva d'a Biosfera Ordesa-Comachibosa
Referencias[editar | modificar o codigo]
- ↑ Fernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001.
Vinclos externos[editar | modificar o codigo]
- (es) Molimento Natural d'as Cheleras Pirenencas. Gubierno d'Aragón
- (es) GEA. Espacios Naturals Protechitos d'Aragón
