Molimento Natural d'o Puent de Fontseca
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Puent de Fontseca | |
 Capra pyrenaica | |
| Tipo | Molimento Natural |
| Establiu | 2006 |
| Superficie | 248,54 ha |
| Situación |  Mayestrato (Teruel)
|
| Latitut | |
| Lonchitut | |
  | |
O Molimento Natural d'o Puent de Fontseca ye un molimento natural d'Aragón que fa parti d'o rete d'espacios naturals protechitos.
En l'anyo 2006 s'apreba la creyación d'iste molimento natural situau en o termin municipal de Castellot, en o Mayestrato terolano, chunto a o Molimento Natural d'as Esplugas de Cristal de Molins en a mesma comarca.
O Puent de Fontseca ye una formación fluvio-karstica chenerada por o río Guadalop que en trescruzar-la ha formau un túnel por a on que i pasa. Fan parti d'o Molimento Natural o cauz y a ribera d'o río formaus por os relieus y a foz entre calsineras situadas en os paraches d'a Umbría de la Perona y Minarete.
Fauna[editar | modificar o codigo]
En os relieus y foces de calsinera bi ha poblacions d'aus como o vueitre (Gyps fulvus), o falcón peregrín (Falco peregrinus), aguila reyal (Aquila chrysaetos) y aguila perdiguera (Hieraetus fasciatus). Entre as aus de ribera podemos trobar lavanderas, tordas aguaderas (Cinclus cinclus) y rosinyols (Luscinia megarhynchos)
Entre os mamíferos cal destacar o bucardo (Capra pyrenaica) y o chabalín (Sus scrofa). Respective a la fauna que habita en o río bi ha una especial protección pa o cangrillo de río común (Austropotamobius pallipes). Se troban antimas loiras (Lutra lutra) y peixes como a madrilla (Chondrostoma toxostoma).
Flora[editar | modificar o codigo]
As condicions d'humedat d'a zona fan que bi haiga un microclima en o que ye mas fácil a existencia d'especies hidrofilas y de selva de ribera como a falzilla (Adiantum capillus-veneris), una mena de felequera que nomas naixe que en pozos u zonas de uembra. En a ribera d'o río se troban salces (Salix), alamos (Populus), artos (Crataegus monogyna) y bellas especies termofilas como as modrolleras (Arbutus unedo).
Atras feguras de protección[editar | modificar o codigo]
Coinciden en parti con o Molimento Natural atras feguras de protección:
Vinclos externos[editar | modificar o codigo]
- (es) Molimento Natural d'o Puent de Fontseca. Gubierno d'Aragón
- (es) GEA. Espacios Naturals Protechitos d'Aragón
