Refuchio de Fauna Silvestre de la Lomaza de Belchit

La Lomaza de Belchit

Paisache de la Lomaza
Datos chenerals
Tipo	Refuchio de Fauna Silvestre
Establiu	4 d'abril de 1995
Superficie	961 ha
Situación
Situación	Campo de Belchit
Latitut
Lonchitut
Mapa

O Refuchio de Fauna Silvestre de la Lomaza de Belchit ye un Refuchio de Fauna Silvestre d'Aragón, tien una superficie de 961 hectarias y fue declarato o 4 d'abril de 1995. Se troba situato en o municipio de Belchit, en a comarca d'o Campo de Belchit.

Se tracta d'un paisache estepario, un d'os poquez que bi'n ha en Europa, fruito d'antigas deforestacions, a explotación ganadera d'a zona mientres sieglos y l'arideza y pocas precipitacions d'o suyo clima.

O espacio natural se divide en dos partis, d'una man "El Planerón", que estió a primera reserva europea ta a protección d'as aus y d'atra "La Lomaza" clasificada de Refuchio Silvestre.

Cheolochicament a tierra ye formata d'archilas royencas, piedras d'arena y evaporitas (rocas con halita, anhidrita, chesos, etc.) que ofreixen un paisache con una gran variedat de colors.

Fauna

A Lomaza ye l'habitat de prous especies animals capables d'adaptar-se a las duras condicions d'iste ixuto ecosistema. Entre a fauna d'iste entorno trobamos l'algaraván (Burhinus oedicnemus), l'aloda de Dupont (Chersophilus duponti), a corredera (Anthus campestris), a calandria (Melanocorypha calandra), a cocullada montesina (Galerida theklae), a ganga, a churra (Pterocles orientalis), a recachadera (Calandrella brachydactyla) y a charreta (Calandrella rufescens).

Flora

A flora que se i troba ye, igual que en o caso d'a fauna, peculiar y tien unas caracteristicas adaptadas a las condicions ambientals d'arideza d'istas tierras.

Atras feguras de protección

Zona d'Especial Protección ta as Aus (ZEPA)

Vinclos externos

(es) Refuchio de Fauna Silvestre d'a Lomaza de Belchit
(es) Patrimonio natural de Aragón. Estepas de Belchite.
(es) Red Natural de Aragón. Refuchio de Fauna Silvestre d'a Lomaza de Belchit.

Espacios naturals protechius d'Aragón

Datos: Q13049982