Reserva Natural d'as Saladas de Chiprana

De Biquipedia
Ir a la navegación Ir a la búsqueda
Saladas de Chiprana
Ameles spallanziana, Chiprana.jpg
Ameles spallanziana en as Saladas de Chiprana
Datos chenerals
Tipo Reserva Natural
Establito 30 de noviembre de 2006
Superficie 154 ha
Situación
Situación Flag of Aragon.svg Baixo Aragón-Casp
Latitut
Lonchitut
Mapa
Val de l'Ebro (orografía).png
Yellow ffff00 pog.svg

A Reserva Natural d'as Saladas de Chiprana ye una reserva natural d'Aragón. Se troba situata de tot en o municipio de Chiprana, en a comarca de Baixo Aragón-Casp. Fue declarato como espacio natural protechito en l'anyo 2006 y tien una superficie de 154 ha, con una Zona Periferica de Protección de 360 ha.

Se tracta d'un complexo endorreico formato por 6 basas: a Salada Grande de Chiprana, a Salada de Roces, o Prado del Farol y atras tres mas chicorronas. A Salada Grande ye o solo eixemplo de lacuna d'istas caracteristicas y de gran fundaria en Europa, ya que l'altaria maxima d'o ran de l'augua gosa estar de dica 5,6 m en mayo. As suyas auguas son prou salinas y son transparents lo que permite, en dentrar a luz o sol a fotosintesi d'as especies vechetals que i viven.

Cheolochía[editar | editar código]

O entorno ye formato por materials terciarios, d'orichen continental. Destacan as formacions de paleocanals que rodian y trescruzan a lacuna, antigos cauces de ríos hue fosilizatos. L'augua ha erosionato os materials mas tovos como os salagons y archilas que rodiaban istos cauces de piedra d'arena.

Fauna[editar | editar código]

As condicions de vida ta fauna en iste entorno son prou dificils, por ixo no se i troban peixes, anfibios nian reptils. Destaca a presencia d'un chicot invertebrato, l'Artemia salina, que fa que en bellas epocas as auguas se tingan d'una color royenca.

A presencia d'aus aqüaticas ye abundant, trobando-se-ie especies como l'aneda blanquinegra (Tadorna tadorna), o chorlito (Charadrius), a chifleta (Actitis hypoleucos), o barderet (Calidris minuta), l'aguilot (Circus aeruginosus), a garrapescaire (Ardea cinerea) y a garra royenca (Ardea purpurea), l'algaraván (Burhinus oedicnemus), l'anade reyal (Anas platyrhynchos), o capucete chicot (Tachybaptus ruficollis), l'Anas cyanoptera, l'anadeta (Anas crecca) y especies de gaviotas como o Larus michahellis y o Chroicocephalus ridibundus.

Flora[editar | editar código]

En Europa, a Ruppia maritima nomás se puet trobar en Chiprana

A flora que bi ha en iste espacio natural ye adaptata a las grans cantidatz de sal de l'augua y as plachas d'o entorno. Se troban asinas plantas halofilas, que acceptan bien as grans concentracions salinas como a Salicornia sp., a Salsola sp. u a Ruppia maritima que nomás se puet trobar aquí en tot o continent europeu. Bi ha formacions de tamarizas[1] (que a diferencia d'atros tamarizals d'a val de l'Ebro ye de Tamarix boveana y no de Tamarix gallica).

Una mica mas luent d'a lacuna trobamos especies como o espantalobos (Colutea arborescens) u a sosa (Salsola oppositifolia) y Cytisus striatus. En zonas de menor salinidat tamién bi ha carrizos y chuncos. A zaguera faixa de vechetación ye composata d'arbustos baixos mediterranios como tremoncillo (Thymus vulgaris), romero (Rosmarinus officinalis) u allagas (Genista scorpius), ta dar ya paso a zonas de cautivo de oliveras y reganos.

Referencias[editar | editar código]

  1. Jesus Balsa et al Las saladas de Bujaraloz-Sástago y la salada de Chiprana: Riqueza natural de Aragón. Revista Empelte, 7. Casp, 1991.

Vinclos externos[editar | editar código]


Espacios naturals protechitos d'Aragón Sweden road sign I1.svg
Cheleras Pirenencas | Foces de Fago y Biniés | Galachos de l'Ebro | Lacuna de Gallocanta | Lacuna de Sarinyena | Lomaza de Belchit | Mayestrato | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinetas de Rodeno | Pocetz-Maladeta | Saladas de Chiprana | Sant Chuan d'a Penya | Sierra y Foces de Guara | El Val | Vals Occidentals