Reserva Natural d'a Lacuna de Gallocanta

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Lacuna de Gallocanta

Lacuna de Gallocanta
Datos chenerals
Tipo Reserva Natural
Establiu 30 de noviembre de 2006
Superficie 1.924 ha
Situación
Situación Campo de Daroca y Xiloca
Latitut
Lonchitut
Mapa

A Reserva Natural d'a Lacuna de Gallocanta ye una reserva natural d'Aragón. Se troba situata en o Campo de Bello, entre as comarcas de Campo de Daroca y Xiloca, fendo parti d'os termins municipals de Santet, Gallocanta, Berrueco, Las Cuerlas, Tornos y Bello.

A lacuna de Gallocanta ye, con una largaria maxima de 7 km y una amplaria maxima de 2 km, a mayor lacuna natural d'a Peninsula Iberica y chunto con a lacuna de Fuentedepiedra (provincia de Malaga) a mayor lacuna salada d'Europa. Tien una fondaria meyana de 70 centimetros y maxima de 2 metros y ye un buen eixemplo de cuenta endorreica de montanya, ye decir que no tien salida a la mar. As suyas auguas proceden prencipalment de torrents soterranyos, por lo que a suya salinidat ye muit alta: diez vegadas superior a la de l'augua d'a mar, lo que fa que en periodos xutos se gosen formar en as suyas plachas crostas de sal.

Fauna[editar | modificar o codigo]

As grudas son habituals en Gallocanta.

L'alta concentración de sal en as suyas auguas impide de tot a presencia de peixes, manimenos bi ha un important numero d'aves, reptils y amfibios por os arroyos y as basas, y mamifers por as sierras y monts. Cuenta con mas de 220 especies diferents d'aves, entre as mas importants os vueitres, alicas, grudas, porputz u "baubas" y fochas. Constituye o enclau mas important d'aus acuaticas d'Aragón y o segundo d'a Peninsula Iberica dimpués de Doñana. O censo d'aus que se i fa d'hibierno amuestra datos d'una meya de 150.000 eixemplars, estando o maximo en l'hibierno de 1998 con 400.000 aus censatas.

Entre os mamifers podemos trobar-ie: corzos, paniquesas, rabosas, gatos montesins, bel ciervo, chabalins, fuinas, conillos, taixugos, etc. Son comuns en as basas y arroyos d'a redolada as ranas, zapos, fardachos u "ardachos" (que se minchaban fa poco tiempo), sargantanas u "sangartesas" y bellas especies de serpients como as gripias.

Flora[editar | modificar o codigo]

Paisache en Gallocanta.

A lacuna, por estar cuasi un ambient estepario, y por a man de l'hombre, ye plena de campos de cerials, tornasols, bels panizals, hortals y campos d'alfalz.

En os monts encara se i puede veyer pins, carrascas u chaparras, caixicos y chinebros. An que i hai augua se troban os chopos y azarolleras. Os árbols que fan fruita mas comuns son as almendreras, encara que se pueden trobar bellas mazaneras. Antes mas se cautivaba a vinya y o zafrán.

Bi ha gran cantidat de plantas halofilas que soportan muita salinidat y, por ello, perfectas ta a lacuna. O sistema cuenta con bels endemismos y especies en protección como a Puccinella pungenns y o Luthrum flexousom, y bellas Orchis palustris.

Atras feguras de protección[editar | modificar o codigo]

Vinclos externos[editar | modificar o codigo]


Espacios naturals protechius d'Aragón
Esplugas de Cristal de Molins | Foces de Fago y Biniés | Glaciars Pirenencos | Lacuna de Gallocanta | Lacuna de Sarinyena | Lomaza de Belchit | Mallos de Riglos, Agüero y Penya Rueba | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinars de Rodeno | Pocetz-Maladeta | Puent de Fontseca | Saladas de Chiprana | Sant Chuan d'a Penya | Sierra y Foces de Guara | Sierra de Santo Domingo | Sotos y Galachos d'Ebro | El Val | Vals Occidentals