Macizo de Camachibosa
Macizo de Camachibosa | ||
|---|---|---|
| Massif du Vignemale | ||
 Macizo de Camachibosa | ||
| Cheografía | ||
| Cordelera | Pireneu axial | |
| Maxima altaria | 3.298 m, Punda de Camachibosa | |
| Administración | ||
| País |
 Sobrarbe, Aragón Altos Pireneus, Occitania. | |
| Cheolochía | ||
| Edat | Devonián | |
| Mapa | ||
.png)  | ||
O macizo de Camachibosa (en francés massif du Vignemale) ye o cuarto macizo mas alto d'os Pireneus y remata en a punda de Camachibosa (3.298 m)[1].
Situau en a muga entre Aragón y Francia, ye amás, por l'amplaria d'os suyos glaciars, o segundo macizo glacial mas important d'o Pireneu dimpués d'o macizo de la Maladeta.
Etimolochía
[editar | modificar o codigo]Seguntes William Dennis Elcock[2] o nombre d'ista montanya significaría literalment "garra chibosa". A parola "cama" < gamba ye todavía emplegada en aragonés, no pa referir-se a la 'garra', sino como o nombre d'una parti de l'aladro.
Topografía
[editar | modificar o codigo]A versant occitana d'o macizo ye situada en o departamento d'os Altos Pireneus, entre Cautarès y Gavarnía, districto d'Argelèrs de Gasòst en o Parque Nacional d'os Pireneus. A versant aragonesa, en o sud, s'incluye en a Reserva d'a Biosfera d'Ordesa-Camachibosa[3], en o municipio de Torla-Ordesa.
O macizo de Camachibosa comprende ueito picos de mas de 3.000 m d'altaria que rodian o glaciar d'Osso:
- marguin ezquierda d'o glaciar, d'ueste enta este:
- a punda de ro Clot de ra Fuent (3.289 m),
- a punda de Camachibosa u Comachibosa (3.298 m),
- o pitón Carré (3.197 m),
- a punta Chausenque (3.204 m),
- a Petita Vinhamala (3.032 m) ;
- marguin dreita d'o glaciar, d'ueste enta este:
- a punda de ro Cerbillonar (3.247 m),
- a punda de ra Blanquera (3.235 m),
- o pico de Montferrato (3.219 m) ;
- os picos de Tapón, en a crencha sud-este de Montferrato, son unius a o macizo de Camachibosa. Ista crencha domina o circo de Montferrato, a on encara bi ha un chicot glaciar sobre as grans parez de calsinera que se funden en a val d'Osso:
- a punda de Tapón Gran (3.151 m),
- o cabieto de ra Labaza (3.128 m),
- o punda de Tapón Chicot (2.923 m).
Cheolochía
[editar | modificar o codigo]
A estructura d'o macizo ye particuliar, con o glaciar d'Osso sensiblement horizontal y rodiau por una corona de cimas d'altarias superiors a os 3.000 m. Iste glaciar encara tien, enta l'este y a val d'Osso, una corta luenga glaciar, y ye a sola d'os Pireneus en poseyer una. A o norte, as parez calcarias prou endrezadas se devantan de 600 a 900 m sobre o glaciar deras Oletas de Gauba. Ye igualment sobre ista cota a on se troba o cuello de Gaube, d'orichen glacial. Istas parez contienen chicoz glaciars segundarios como os de Petita Vinhamala, dominau por una cascada de seracs d'o glaciar deras Oletas y, a o nord-ueste d'a punda de Camachibosa, o chicot glaciar de ro Clot de ra Fuent. A o sud-ueste, en a versant aragonesa, as cinglas d'entre 1.000 y 1.200 m d'altaria, y a o sud, pueyos y vals dominan l'alta val de l'Ara.
Referencias
[editar | modificar o codigo]- ↑ (fr) Luis Alejos, Pyrénées guide des 3000 m, Éd. Sua, Bilbao, 2003, ISBN 84-8216-147-4.
- ↑ (es) Toponimia del valle de Tena. W.D. Elcock
- ↑ (en) Unesco: Man and the Biosphere Programme.
| Macizos, sierras y sarratos d'o Pireneu axial | |||||
|---|---|---|---|---|---|
| |||||
| Control d'autoridaz |
|
|---|
Datos: Q23990452
Multimedia: Massif du Vignemale / Q23990452