Zona d'especial protección pa las aus

De Biquipedia
Ir a la navegación Ir a la búsqueda

Una zona d'especial protección pa las aus (ZEPA) ye una categoría d'aria protegida catalogada por os estaus miembros d'a Unión Europea como «zonas naturals de singular relevancia pa la conservación de l'avifauna menazada d'extinción», d'alcuerdo con o estableixiu en a directiva comunitaria 79/409/CEE y modificacions subsiguients («Directiva sobre a Conservación d'Aus Silvestres» d'a UE).[1]

A convención parti d'o reconoiximiento de que as aus d'o territorio europeu son patrimonio común y han d'estar protechidas a traviés de una chestión homochenia que conserve os suyos habitats. Baixo a Directiva, os estaus miembros d'a Unión Europea asumen a obligación de protecher os habitats d'aus migratorias y bellas aus particularment menazadas.[1]

En as zonas de protección ye viedada u amugada a caza d'aus, en a suyas calendatas y a suyas tecnicas; se regula a posible comercialización; y os estaus son obligaus a actuar pa conservar as condiciones medioambientals requiestas pa o descanso, reproducción y alimentación d'as aus.

Chunto con as Zonas Especials de Conservación (ZEC), as ZEPA forman un rete de puestos protechius por toda a Unión Europea, dito Natura 2000.[1]

Cada ZEPA tien un codigo alfanumerico d'a Unión Europea; por eixemplo, a ZEPA d'a Costa septentrional de Norfolk en o Reino Unito tien o codigo UK9009031.

ZEPA en Aragón[editar | editar código]

En Aragón bi ha 48 arias ZEPA, con 8.701 kilometros quadraus, que en parti son consonants con os PIC (Puestos d'importancia comunitaria). En ellas encara se troban especies orniticas d'intrés comunitario como o trencauesos, l'aguila perdiguera, l'abutarda u o esparbel.

Codigo Provincia Nombre
ES0000015 Uesca Sierra y Foces de Guara
ES0000016 Uesca Ordesa y as Tres Serols
ES0000137 Uesca Vals Occidentals
ES0000149 Uesca Pocetz-Maladeta
ES0000181 Zaragoza Saladas de Sastago-Burcharaloz
ES0000183 Uesca El Basal, Las Menorcas y Planas de Cardiel
ES0000277 Uesca Collarada-Ibón d'Ip
ES0000278 Uesca Comachibosa
ES0000279 Uesca Alta Cinca
ES0000280 Uesca Cotiella-Sierra Ferrera
ES0000281 Uesca Turbón y Sierra de Cis
ES0000282 Uesca y Zaragoza Salvatierra-Foces de Fago y Biniés
ES0000283 Zaragoza Sierras de Leire y Orba
ES0000284 Zaragoza Sotos y carrizals d'o río Aragón
ES0000285 Uesca Sant Chuan d'a Penya y Penya Uruel
ES0000286 Uesca Sierra de Canciás-Silbes
ES0000287 Zaragoza Sierras de Santo Domingo y Caballera y río Onsella
ES0000288 Uesca Sierra de Montgai
ES0000290 Uesca A Sotonera
ES0000291 Uesca Serreta de Tramacet
ES0000294 Uesca Lacuna de Sarinyena y Balsa de la Estación
ES0000295 Uesca y Zaragoza Sierra d'Alcubierre
ES0000296 Uesca Embalse d'o Pas y Santa Rita
ES0000298 Teruel y Zaragoza Matarranya-Aiguabarreig
ES0000017 Teruel y Zaragoza Cuenca de Gallocanta
ES0000302 Teruel Auguamollas de Blancas
ES0000303 Teruel Congostos d'o río Martín
ES0000304 Teruel Auguamollas de Campo Visiedo
ES0000305 Teruel Auguamollas d'Alfambra
ES0000306 Teruel Río Guadalop-Mayestrato
ES0000307 Teruel Puertos de Bezeit
ES0000308 Teruel Auguamollas de Pozondón
ES0000309 Teruel Monts Universals-Sierra d'el Tremedal
ES0000136 Zaragoza Estepas de Belchit-Lo Planerón-La Lomaza
ES0000138 Zaragoza Galachos de l'Alfranca de Pastriz, La Cartuixa y Lo Burgo d'Ebro
ES0000180 Zaragoza Estepas de Monegriello y Pina
ES0000182 Uesca Valcuerna, Serreta Negra y Liberola
ES0000289 Zaragoza Lacunas y carrizals de Cinco Villas
ES0000292 Zaragoza Loma la Negra-Bardenas
ES0000293 Zaragoza Monts de Zuera, Castellón de Val de Chasa y Lo Castellar
ES0000295 Uesca y Zaragoza Sierra d'Alcubierre
ES0000297 Zaragoza Sierra de Moncayo-Los Fayos-Sierra d'Armas
ES0000299 Zaragoza Foces de Xalón
ES0000300 Zaragoza Río Uerba y Las Planas
ES2430101 Zaragoza Muelas d'o Xiloca (o campo y a torreta)
ES2430105 Zaragoza Foces d'o río Mesa

Referencias[editar | editar código]

Enlaces externos[editar | editar código]