Glaciar
.jpg)
Un glaciar[1] ye una masa gran de chelo formata a partir de l'acumulación de nieu en zonas a on s'acumula més que se reviene. Esta nieu la apisona la nieu que cai l'anyata vinient y recristaliza.
Dimpués de recristalizar lo chelo, que tiene propiedaz plasticas, se deforma y va fluindo por l'acción de la gravedat ta las zonas baixas y calients on se funde.
Lo chelo de lo glaciar se converte en un achent cheolochico important, que sin contribuir a la meteorización, produce en cambio una intensa erosión, un transporte y una sedimentación.
Etimolochía
[editar | modificar o codigo]En aragonés se diz a vegadas chelera a os glaciars pirenencos, forma que ye l'equivalent fonetico a geleira en galaicoportugués. En la mayor parte de las luengas europeas se fa servir un derivato de l'arpitán glacier, trasmeso por lo francés. glacier provién de glace, "chelo", que ye a evolución de lo latín glacia. Cuan lo cheologo y paleontologo uescán Lucas Mallada traduciba un libro francés ta lo castellano y se trobó la palabra glacier, que no teneba en prencipio equivalent en castellano, escribió yo a esto lo llamo chelera, pero me temo que esta palabra no es muy castellana.
Tipos de glaciars
[editar | modificar o codigo]Bi n'ha muitos tipos, pero los fundamentals son:
- Glaciars de casquet: cubren amplas extensions, lo chelo s'acumula en o centro on se mueve ta la periferia enta totas direccions. Son los glaciars que bi ha en los polos.
- Glaciars de val: ocupan lo cabalto d'una val dende a on que baixan ocupando lo fondón dica a on que se funde lo chelo. Los glaciars pirenencos son un subtipo de glaciar de val, que nomás cubre la part alta de la val, (circo), y por ixo son "glaciars de circo".
Se veiga tamién
[editar | modificar o codigo]Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
