Chibraltar
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Chibraltar Gibraltar | |||||
| Territorio d'ultramar d'o Reino Uniu | |||||
| |||||
| Lema: Nulli Expugnabilis Hosti (latín «No conquerible por dengún enemigo») | |||||
| Himno: Himno de Chibraltar | |||||
| Entidat • Estato |
Territorio d'ultramar.svg){kind=small} Reino Uniu
| ||||
| Capital • Población |
Chibraltar 27.967 | ||||
| Idioma oficial • Luenga propia • Atros idiomas |
Anglés Llanito Castellano | ||||
| Establimiento d'o Reino Uniu |
11 d'abril de 1713 | ||||
| Superficie • Total |
Pos. 192 6.843 km² | ||||
| Gubierno • Chefe d'Estato • Gubernador • Primer ministro |
Monarquía Isabel II Sir David Steel Fabian Picardo | ||||
| Población • Total (2014) • Densidat |
Pos. 190º 33 140 hab. 4.290 hab/km² | ||||
| PIB (nominal) • Total • PIB per capita |
$1066 millons $38,200 | ||||
| Chentilicio | Chibraltarenyo/a[1] | ||||
| Zona horaria | UTC+1 | ||||
| Identificadors • Internet |
.gi | ||||
| Prefixo telefonico | +350 | ||||
| Moneda | Libra chibraltarenya (GIP)
| ||||
 | |||||
| Miembro de: Reino Uniu, ONU, OTAN, OCDE, OSCE | |||||
Chibraltar (en grafía etimolochica, anglés y castellano Gibraltar, prenunciato /dʒɨˈbrɒltər/ en anglés y /xiβɾalˈtaɾ/ en castellano) ye un territorio d'ultramar perteneixient a lo Reino Uniu. Ye situato a lo sud d'a Peninsula Iberica en o Estreito de Chibraltar, a los piez d'o penyón d'o mesmo nombre.
A suya población ye de 27.967 habitants en 2007, en una superficie de 6,5 km² y una densidat de 4.290 hab/km².
A ciudat ye un centro bancario y turistico, y base de l'Armata Britanica (Royal Navy).
Toponimia[editar | modificar o codigo]
Provién de l'arabe جبل طارق (/Chabal Tarik/) que significa Mont de Tarik, suposato caudiello berber que dentró en a Peninsula Iberica bella cosa enantes que Muza. En o "Liber Regum" en parlan:
En o "Libro de las Cheneracions", relacionato con l'anterior plegan a fer servir a ch d'a grafía moderna:
Historia[editar | modificar o codigo]
Chibraltar y Ávila (antiga ciudat y tozal en l'actual Ceuta) formaban as ditas Columnas d'Hercules, que os mariners fenicios marcoron con unas columnas d'archent ta indicar a los pueblos mediterranios as mugas d'a zona segura de navegación.
Anglaterra y os Países Baixos, dos grans potencias maritimas, yeran enemigas de l'aspiración de Felipe d'Anchú (mas tardi Felipe V d'Espanya) a la cadiera reyal d'Espanya. En chulio de 1702, mientres a Guerra de Succesión Espanyola, plegoron ta Cádiz y desembarcoron en Rota y Puerto de Santa María.
O 4 d'agosto de 1704, una atra escuadra anglesa prenió Chibraltar. Os suyos comandants (Sir George Rooke y o Prencipe Chorche) prenioron o Penyón en nombre de l'Archiduque Carlos d'Austria, pretendient a la cadiera d'Espanya. Entre os expedicionarios, se i trobaba un batallón de catalans, que desembarcoron en l'actual Catalan Bay. Un d'os protagonistas d'istos escaicimientos ye o famoso duque de Marlborough (dito Mambrú por os espanyols). Nueu anyos mas tardi, a conquiesta se formalizo por meyo d'o Tractau d'Utrecht (1713), en o que Espanya cedeba a lo Reino Uniu o Penyón con a condición d'evitar, u en defecto d'ixo controlar, o contrabando enta Espanya.
Espanya prebó de reconquerir ista ciutat, en 1727, 1779 dica 1782, y no reconoixió a ocupación d'ista zona d'o suyo territorio. En 1783, por o tractau de París, Espanya acceptó a cesión de la sobirania de Chibraltar a lo Reino Uniu a cambeo d'a recuperación de Menorca y parti de Florida.
Toz os intentos ta recuperar Chibraltar fracasoron debito a la superioridat anglesa en a mar. O escritor espanyol, naixito de Cádiz, José Cadalso morió en un d'istos intentos. S'establió una muga e un campo militar en Chibraltar. Os chibraltarenyos de 1704 se'n heban tresladato con a insignia d'o suyo municipio ta San Roque y chunto iste lugar creixió atro dito Los Barrios. Mas tardi se repobló tamién Alchecira (albandonata dende 1369).
Mientres a Guerra Civil Espanyola, as tropas britanicas ocuporon l'itsmo, que no heba estato cedito a Anglaterra, a on i construyoron un aeropuerto. D'atra man mientres a Segunda Guerra Mundial, Chibraltar estió a base d'operacions militars britanicas entre l'Atlantico y a Mediterranio, amás d'estar o solo territorio d'Europa continental que se mantenió libre d'ocupación por as fuerzas de l'Eixe.
Francisco Franco consideraba a ocupación como una afrenta a la dignidat espanyola, y ye por ixo que mirando de forzar una devolución mantenió trancata "la varana" mientres 13 anyos. Cuan remató a dictadura se permitió unatra vegata o paso de viachers y mercaderías.
En l'actualidat os gubiernos espanyols continan reclamando a sobirania u cosobiranía d'o Penyón, encara que ista reclamación siempre ha estato refusata por o gubierno britanico; os habitants de Chibraltar han esfendito lo suyo dreito d'autodeterminación, garantizato por a Carta d'a ONU en a suya resolución Nº 1514 (XV), y, en referendums convocatos por as autoridaz locals, han refusato albandonar a sobirania britanica.
Demografía[editar | modificar o codigo]
Como ye propio en un puerto mediterranio de gran importancia, l'actual población tien un orichen diverso: principalment britanico y espanyol, con minorías d'orichen italiano, portugués, maltés, arabe y chodigo.
Os ciudadanos de Chibraltar son ditos "llanitos", posiblement d'o nombre italiano Gianni, de Giovanni (Chuan).
As relichions mas populars son o catolicismo (76%), o protestantismo (anglicanismo) (6%), o islam (6,9%), o chudaísmo (2,3%) y 7% denguna u bella atra.
Chibraltar ye un d'os territorios mas densament poblatos d'o mundo, con alto u baixo 4.290 personas por km². A requesta d'espacio s'ha solucionato con a ocupación de tierra a lo mar, que actualment representa un tercio d'a superficie total d'a ciudat.
Divisions territorials[editar | modificar o codigo]
Chibraltar ye dividita en siet arias residencials, que apareixen en a siguient tabla. As cifras de población s'han preso d'o censo de 2001:
| |||
|---|---|---|---|
| Aria residencial | Población | % de total | |
| 1. | East Side | 429 | 1.54% |
| 2. | North District | 4,116 | 14.97% |
| 3. | Reclamation Areas | 9,599 | 34.91% |
| 4. | Sandpits Area | 2,207 | 8.03% |
| 5. | South District | 4,257 | 15.48% |
| 6. | Town Area | 3,588 | 13.05% |
| 7. | Upper Town | 2,805 | 10.20% |
| Resta | 494 | 1.82% | |
| Chibraltar | 27,495 | 100% |
Luengas y parlas[editar | modificar o codigo]
A unica luenga oficial ye l'anglés y ye emplegata por o gubierno y as escuelas, pero a mayor parti d'os habitants charran tamién o dialecto andaluz d'o castellano. Amás se charran atras luengas como l'arabe u o maltés y o clamato "llanito" (prenunciato [jɑˈnito] u [ʒɑˈnito]) que tien como base o castellano andaluz con gran influencia de l'anglés y a-saber-los amprens atras luengas como o chenovés, o italiano, o maltés, o portugués y o chudeocastellano.
| Estaus d'Europa |
| Abkhasia3 | Albania | Alemanya | Andorra | Armenia2 | Artsakh3 | Austria | Azerbaichán1 | Belarrusia | Belchica | Bosnia y Herzegovina | Bulgaria | Cazaquistán1 | Croacia | Cheorchia1 | Chipre2 | Chipre d'o Norte2, 3 | Chequia | Dinamarca | Eslovaquia | Eslovenia | Espanya1 | Estonia | Finlandia | Francia1 | Grecia | Hongría | Islandia | Irlanda | Italia1 | Kosovo3 | Letonia | Liechtenstein | Lituania | Luxemburgo | Macedonya d'o Norte | Malta | Moldavia | Mónegue | Montenegro | Noruega | Osetia d'o Sud3 | Países Baixos | Polonia | Portugal | Reino Uniu | Rumanía | Rusia1 | San Marino | Serbia | Suecia | Suiza | Transnistria3 | Turquía1 | Ucraína | Vaticano |
| Dependencias: Åland | Akrotiri y Dhekelia | Chibraltar | Guernési | Isla de Man | Islas Feroe | Jèrri | Svalbard |
| 1 Parti d'o suyo territorio ye difuera d'Europa. 2 Se troba en Asia, pero tien relacions historico-culturals con Europa. 3 Parcialment reconoixiu. 4 No reconoixito |
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.