Catalans

De Biquipedia
Ir ta: navego, busca
Catalans
Catalans
Salvador DalíPau Gasol Santa Maria.jpgAntoni GaudíJacint Verdaguer
Pau CasalsJuan Antonio Samaranch DF-ST-01-00128.jpgFrançois Arago.jpg
Salvador Dalí · Pau Gasol · Antoni Gaudí · Jacint Verdaguer · Pau Casals · Joan Miró · Joan Antoni Samaranch · Francesc Aragó
Rechions con comunidatz importants
Flag of Catalonia.svg Catalunya 4.664.675
Flag of Catalonia.svg Catalunya Norte 440.885
Idiomas
Catalán, castellán y francés
Relichión
Catolica romana
Pueblos relacionatos
Valencians, balearicos, aragoneses, churros, occitans
Mapa
Mapa de localització a les comarques catalanes.svg

Os catalans son un pueblo que habita a Comunidat Autonoma de Catalunya (Espanya) y a Catalunya Norte (Francia). Charran una luenga neolatina, o catalán, son de cultura mediterrania y tradicionalment cristians catolicos. Historicament contribuyó a lo poblamiento d'a Aragón, o País Valencián, Murcia y Cerdenya, on bi ha actualment poblacions catalanofonas que dende un punto de vista pancatalanista (u por o menos dende o punto de vista etnolingüistico) serían tamién catalans, y dende atros puntos de vista diferents pueblos que comparten luenga con os catalans.

Luenga[editar | editar código]

Gnome-searchtool.svg
Ta más detalles, veyer l'articlo Idioma catalánveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A luenga nacional d'os catalans ye o catalán. A practica totalidat d'os catalans etnicos que bi ha en territorio espanyol son bilingües parlan tamién castellán, de fuera de pocos agüelos d'o medio rural que s'expresan con dificultat en castellán. Os catalans de territorio francés s'han afrancesato muito y muitos d'ells quasi no charran catalán.

Historia[editar | editar código]

En a Edat Meya os carolinchios creyoron a Marca Hispanica en un territorio en la versant sud d'os Pireneus orientals. A Marca Hispanica s'esminglanó en diferents condatos que en conchunto fuoron conoixitos como Condatos Catalans. O principal d'estos condatos yera o Condato de Barcelona.

O Condato de Barcelona s'unió dinasticament a lo Reino d'Aragón amaneixendo una entidat territorial dita Corona d'Aragón a la que irían adhibindo-se atras entidatz territorials por conquiesta u por propia voluntat. Encomenzó a reconquiesta d'o territorio sud de l'actual Catalunya, territorio conoixito como Catalunya Nova en oposición a la Catalunya Vella d'os antigos condatos catalans. O condato d'Urchel fue conquiesto por a Corona d'Aragón en tiempos de Chaime I.

En tiempos d'a reconquiesta os catalans participoron en a repoblación d'o Reino de Valencia, Reino de Murcia, d'as Islas Balears y d'o Baixo Aragón. Manimenos os catalans d'estos territorios tendrían historias politicas diferents a la d'os catalans de l'aria orichinal y u s'asimiloron a la población vicina u desembolicoron conciencias etnicas diferents.

A Corona d'Aragón yera embrecata en una cheopolitica diferent a la d'atros territorios espanyols, intervenindo en Occitania, Italia u dica os Balcans. A burguesía de Barcelona se benefició d'o comercio en a Mar Mediterrania y en Cerdenya a ciudat de L'Alguer fue poblata por catalans.

En tiempos de Felipe IV bi habió una revuelta catalana conoixita como Els Segadors. Os conflictos entre os Austrias y os Borbons, que se reflectaban en as mugas facioron que Catalunya quedase dividita entre Espanya y Francia por os Pireneus. Dimpués d'a ocupación francesa en o Rosellón encomenzó una campanya d'afrancesamiento que culminó en o sieglo XX.

En a Guerra de Sucesión Espanyola os catalans yeran en o bando austracista, de fueras d'os habitants de bellas localidatz como Cervera. Dimpués d'a Guerra de Sucesión Espanyola Catalunya y os atros territorios d'a Corona d'Aragón fuoron gobernatos por a a dinastía francesa d'os Borbons, que aplicoron o modelo centralista que conoixeban de Francia. D'esta traza aumentó una espanyolización que ya heba encomenzato, y se prenió como modelo uniformizador principalment a los castellans. O idioma yera o idioma castellán, que eclixó de tot a lo catalán como idioma de cultura. Una colla de refuchiatos catalans austracistas creyoron en o Banato o lugar de Nova Barcelona en o municipio de Zrenjanin, pero o establimiento no fue viable.

En o sieglo XIX a cultura catalana renaixió gracias a lo refirme d'una burguesía que se fació cerrina d'un nacionalismo tipico d'a epoca. En os sieglos XIX y XX bi habió una emigración ta Cuba dende comarcas costeras con comunicacions maritimas con ixa ista. Os propietarios d'a empresa Ron Bacardí son d'orichen catalán. En a Guerra Civil Espanyola muitos catalans se refuchioron en America, en especial Mexico, on fue a parar a familia Guell.