Casp

De Biquipedia
Ir ta: navego, busca
Casp
Municipio d'Aragón
Bandera Escudo d'armas
Santa María la Mayor d'o Pilar
Santa María la Mayor d'o Pilar.
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Zaragoza province (with coat of arms).svg Zaragoza
Baixo Aragón-Casp
Superficie 503,2 km²
Población
 • Total

9,728[1] hab. (2009)
Altaria 152 m.
Distancia
 • 100 km

enta Zaragoza
Codigo postal 50700
Coordenatas 41°14’ 6’’N 0° 2’27’’U
Casp en Aragón
Casp
Casp
Situación de Casp en Aragón

Casp (Caspe en castellán, Casp en catalán) ye una ciudat historica d'Aragón, situata a una distancia de 100 km a l'este de Zaragoza. Ye capital d'a comarca Baixo Aragón-Casp. Actualment tien unos 10.000 habitants, no habendo creixito quasi cosa en tot o sieglo XX.

Estió un important nugo de comunicacions, hue venito a menos.

A suya economía se basa en o sector servicios, a industria textil y as grans espleitacions agricolas de regano (emparadas en gran mesura gracias a la immigración). Os prescos de Casp entran drentro d'a denominación d'orichen melocotón de Calanda.

Mugas[editar | editar código]

O suyo termin municipal muga con Mequinenza, Favara, Maella, Alcanyiz, Escatrón, Chiprana, Sastago, Burcharaloz, Penyalba y Fraga.

Toponimia[editar | editar código]

O toponimo Casp, documentato en fuents andalusís como Qsp, Qasp u Qasb s'ha quiesto relacionar con a parabra arabe Casba. Manimenos en aragonés existe a parabra caspiello pa dicir "tierra suelta, petrosa, que pierde a humidat pronto", y como microtoponimo lo trobamos en Rodellar y encara Andolz replega a parabra Caspillo en o suyo glosario de parabras d'o territorio aragonés.[2] Caspiello puet tener una etimolochía relacionata con caspa y con o mozarabe gazpacho.

Bi ha muitos microtoponimos interesants que amuestran que d'antes se charró l'aragonés, y n'alzan muitos caracters, como una basa dita Saladiella, la Ifesa, Efesa de la Villa, Lastras del Pallaruelo, un puesto dito mata lo perro, y atro trascrito como Miralpeis, pareixito a los toponimos Miralpeix que se troban en a Ribagorza. Bi ha toponimos arabes adaptatos a la fonetica aragonesa como Malchares Albanillos.

Luengas y parlas[editar | editar código]

A luenga tradicional de Casp ye o castellán d'Aragón, con substrato aragonés. O lexico d'intrés etnografico de Casp se conoix relativament bien por figurar esta localidat en l'ALEANR, con a sigla Z 605.[3]

Apellitos[editar | editar código]

En Casp son mas freqüents os apellitos occitans tipicament rematatos en -ac que en atros lugars d'o Baixo Aragón: Albiac, Cirac.

Historia[editar | editar código]

Casp y a Mar d'Aragón.

O lugar ya existiba en o periodo musulmán y se transcribe de l'arabe Qsp, Qasp u Qasb. O escritor musulmán Yaqut d'os sieglos XII-XIII en da noticia: Qasb ye un castiello (hisn) de Zaragoza.

En o sieglo XV estió seu d'o famoso "Compromís de Casp" por o qualo s'imposó a dinastía d'os Trastamara en o reino d'Aragón.

En o sieglo XX mientres a Guerra Civil Espanyola estió seu d'o "Consello d'Aragón", Organo de Gubierno de l'Aragón Republicano.

Molimentos[editar | editar código]

Cuenta con un important patrimonio historico-artistico:

  • Casa Barberán, protechita legalment dende o 6 d'octubre de 1979 con a suya declaración como Bien d'Intrés Cultural.[4]
  • Castiello d'o Compromís (hué esboldregato).
  • Colechiata.
  • Mausoleu Román de Miralpeix, huei en o nuclio urbán pero traito de Miralpeix.
  • Ermita de la Malena.
  • Convento de Franciscans.
  • Torre de Salamanca.

Encara que muitas d'istas construcions se troban en deficient estato de conservación.

Administración[editar | editar código]

Reparto de concellers[editar | editar código]

Eleccions municipals[5]
Partito 1979 1983 1987 1991 1995 1999 2003 2007 2011
Partido de los Socialistas de Aragón 9 9 8 8 6 7 5 5 5
Compromiso por Caspe - - - - - - 5 5 3
Partido Popular - 2 2 1 2 1 1 1 2
Partido Aragonés - - 0 3 4 1 1 2 2
Chunta Aragonesista - - - - - 0 1 0 1
Independientes - - - 1 1 4 - - -
Centro Democrático y Social - 2 3 0 - - - - -
Unión de Centro Democrático 4 - - - - - - - -
Total 13 13 13 13 13 13 13 13 13

Alcaldes[editar | editar código]

Lista d'alcaldes
Lechislatura Nombre Partito politico
19791983 José Besteiro Asensio [6] Partido de los Socialistas de Aragón
19831987
19871991 Mariano Gómez Callao Partido de los Socialistas de Aragón
19911995 Mariano Gómez Callao Partido de los Socialistas de Aragón
19951999 Luis Javier Sagarra de Moor Partido Aragonés
19992003 María Teresa Francín Piquer Partido de los Socialistas de Aragón
20032007 María Teresa Francín Piquer Partido de los Socialistas de Aragón
20072011 María Teresa Francín Piquer Partido de los Socialistas de Aragón
20112015 Florencio Meuris Repollés Lasheras (2011-2013)
María Pilar Herrero Poblador (2013-2015)
Partido de los Socialistas de Aragón
Partido Popular

Esportes[editar | editar código]

Vinclos externos[editar | editar código]

Referencias[editar | editar código]

  1. (es)Instituto Nacional de Estadística
  2. (es) Chesús Vázquez Obrador: Toponimia de Rodellar. Archivo de Filología Aragonesa. Nº 36-37
  3. (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
  4. (es) Ficha d'a Casa Barberán de Caspe en a pachina web d'o Menisterio de Cultura.
  5. http://portal.aragob.es/archelec/index.jsp
  6. (es) Treinta aniversario de las primeras elecciones municipales de la democracia.


Lugars d'o municipio de Casp
Casp | Miraflors | Plachas de Chacón | Poblato de Pescadors | Zaragoceta


 
Municipios d'a comarca Baixo Aragón-Casp
Casp | Chiprana | Favara | Fayón | Maella | Nonasp