Mar d'Aragón

De Biquipedia
Ir a la navegación Ir a la búsqueda
Mar d'Aragón
Caspe y el Mar de Aragón.JPG
Mar d'Aragón en Casp
Administración
País Flag of Aragon.svg Aragón
Estato {{{estato}}}
Provincia {{{probinzia}}}
Comarca Baixo Aragón-Casp
Municipio {{{municipio}}}
Cheografía
Tipo
Orichen {{{orichen}}}
Superficie km²
Altaria 121 m
Longaria {{{longaria}}} km
Amplaria {{{amplaria}}} km
Fondura m
Volumen 1.533,99 hm³
Hidrografía
Fuent Ebro
Desagüe Ebro
{{{mapa}}}

O Mar d'Aragón u entibo de Mequinenza ye un entibo d'o río Ebro situato en Aragón.

A construcción d'o entibo de Mequinenza, feita por concesión a la interpresa ENHER d'aproveitamiento hidroeletrico integral d'un trampo d'o río Ebro en 1955, dió orichen a un gran entibo de 1530 hm³, con una longaria d'uns 110 km y unas "costas interiors" d'alto u baixo uns 500 km. A lamina d'augua en a cota maxima de 121 metros tien una superficie de 7.540 ha. A vaboración anyal ye de 80.000 millons de litros. Se entibó por primera vegata en aviento de 1965, inundando-sen 3.500 ha de huertas.

En a comarca d'o Baixo Aragón-Casp, son costers os municipios de Chiprana y Casp. Dende o prencipio s'entendió que yera un potent foco d'atracción toristica y as sociedatz de pescadors s'aprecisoron a organizar as suyas actividatz. En 1965 se dixoron en libertat 20.000 eixemplars de perca americana y 175.000 fizons de carpa royal. Estió o prencipio d'a gran riqueza piscicola actual. Se celebran no menos de 30 competicions a l'anyo, destacando o Campionato Nacional de Pesca y o Concurso Nacional de Ciprinidos "Autonomía d'Aragón", aintro d'as artes tradicionals, y diversos campionatos internacionals organizatos por Lake Casp ta a pesca d'o black bass, anque o más destacato ye a pesca d'o siluro.

Arredol d'o Mar d'Aragón s'han establito tres urbanizacions residencials y quantos clubs esportivos que organizan contino competicions d'esportes nauticos, vela, piragüismo, motonautica, habendo-ie una infraestructura cada vegata más consolidata de puertos, embarcaders y instalacions de guardia y atención.