Casp
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Casp | |||
| Municipio d'Aragón | |||
| |||
.jpg) Santa María la Mayor d'o Pilar. | |||
| Entidat • País • Provincia • Comarca |
Municipio Aragón.svg){kind=small} ZaragozaBaixo Aragón-Casp | ||
| Partiu chudicial | Casp | ||
| Superficie | 503,2 km² | ||
| Población • Total |
10 336 hab. (2013) | ||
| Altaria • Meyana |
152 m. | ||
| Distancia • 100 km |
enta Zaragoza | ||
| Alcalde | Maria Pilar Herrero Poblador | ||
| Codigo postal | 50700 | ||
| Parroquial • Archidiocesi • Arcipestrau • Parroquia |
Zaragoza Casp Sta. Mª la Mayor d'o Pilar | ||
| Coordenadas | |||
| Web oficial | |||
Casp (Caspe en castellano, Casp en catalán) ye una ciudat historica d'Aragón, situata a una distancia de 100 km a l'este de Zaragoza. Ye capital d'a comarca Baixo Aragón-Casp. Actualment tien unos 10.000 habitants, no habendo creixito cuasi cosa en tot o sieglo XX.
Estió un important nugo de comunicacions, hue venito a menos.
A suya economía se basa en o sector servicios, a industria textil y as grans explotacions agricolas de regano (emparadas en gran mesura gracias a la immigración). Os prescos de Casp entran drentro d'a denominación d'orichen melocotón de Calanda.
Mugas
O suyo termin municipal muga con Mequinenza, Favara, Maella, Alcanyiz, Escatrón, Chiprana, Sastago, Burcharaloz, Penyalba y Fraga.
Toponimia
O toponimo Casp, documentato en fuents andalusís como Qsp, Qasp u Qasb s'ha quiesto relacionar con a palabra arabe Casba. Manimenos en aragonés existe a palabra caspiello pa dicir "tierra suelta, petrosa, que pierde a humidat pronto", y como microtoponimo lo trobamos en Rodellar y encara Andolz replega a palabra Caspillo en o suyo glosario de palabras d'o territorio aragonés.[1] Caspiello puet tener una etimolochía relacionata con caspa y con o mozarabe gazpacho.
Bi ha muitos microtoponimos interesants que amuestran que d'antes se charró l'aragonés, y en alzan muitos caracters, como una basa dita Saladiella, la Ifesa, Efesa de la Villa, Lastras del Pallaruelo, un puesto dito mata lo perro, y atro trascrito como Miralpeis, pareixito a los toponimos Miralpeix que se troban en Ribagorza. Bi ha toponimos arabes adaptatos a la fonetica aragonesa como Malchares Albanillos.
Luengas y parlas
A luenga tradicional de Casp ye o castellano d'Aragón, con substrato aragonés. O lexico d'intrés etnografico de Casp se conoix relativament bien por figurar esta localidat en l'ALEANR, con a sigla Z 605.[2]
Apellitos
En Casp son mas frecuents os apellitos occitans tipicament rematatos en -ac que en atros lugars d'o Baixo Aragón: Albiac, Cirac.
Historia
O lugar ya existiba en o periodo musulmán y se transcribe de l'arabe Qsp, Qasp u Qasb. O escritor musulmán Yaqut d'os sieglos XII-XIII en da noticia: Qasb ye un castiello (hisn) de Zaragoza.
En o sieglo XV estió seu d'o famoso "Compromís de Casp" por o cual s'imposó a dinastía d'os Trastamara en o reino d'Aragón.
En o sieglo XX mientres a Guerra Civil Espanyola estió seu d'o "Consello d'Aragón", Organo de Gubierno de l'Aragón Republicano.
Demografía
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1362-1495: fuegos; 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Administración
Reparto de concellers
| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido de los Socialistas de Aragón | 9 | 9 | 8 | 8 | 6 | 7 | 5 | 5 | 5 |
| Compromiso por Caspe | - | - | - | - | - | - | 5 | 5 | 3 |
| Partido Popular | - | 2 | 2 | 1 | 2 | 1 | 1 | 1 | 2 |
| Partido Aragonés | - | - | 0 | 3 | 4 | 1 | 1 | 2 | 2 |
| Chunta Aragonesista | - | - | - | - | - | 0 | 1 | 0 | 1 |
| Independientes | - | - | - | 1 | 1 | 4 | - | - | - |
| Centro Democrático y Social | - | 2 | 3 | 0 | - | - | - | - | - |
| Unión de Centro Democrático | 4 | - | - | - | - | - | - | - | - |
| Total | 13 | 13 | 13 | 13 | 13 | 13 | 13 | 13 | 13 |
Alcaldes
| Lechislatura | Nombre | Partiu politico |
|---|---|---|
| 1979–1983 | José Besteiro Asensio [4] | Partido de los Socialistas de Aragón |
| 1983–1987 | ||
| 1987–1991 | Mariano Gómez Callao | Partido de los Socialistas de Aragón |
| 1991–1995 | Mariano Gómez Callao | Partido de los Socialistas de Aragón |
| 1995–1999 | Luis Javier Sagarra de Moor | Partido Aragonés |
| 1999–2003 | María Teresa Francín Piquer | Partido de los Socialistas de Aragón |
| 2003–2007 | María Teresa Francín Piquer | Partido de los Socialistas de Aragón |
| 2007–2011 | María Teresa Francín Piquer | Partido de los Socialistas de Aragón |
| 2011–2015 | Florencio Meuris Repollés Lasheras (2011-2013) María Pilar Herrero Poblador (2013-2015) |
Partido de los Socialistas de Aragón Partido Popular |
| 2015-2019 | Jesús Senante | Partido de los Socialistas de Aragón |
| 2023-hue | Ana Jarque [5] | Partido Popular |
Molimentos
Conta con un important patrimonio historico-artistico:
- Casa Barberán, protechita legalment dende o 6 d'octubre de 1979 con a suya declaración como Bien d'Intrés Cultural.[6]
- Castiello d'o Compromís.
- Colechiata.
- Mausoleu Romano de Miralpeix, huei en o nuclio urbán pero traito de Miralpeix.
- Ermita de la Malena.
- Convento de Franciscanos.
- Torre de Salamanca.
Encara que muitas d'istas construcions se troban en deficient estato de conservación.
Fiestas
- Fiesta de Sant Antón.
- Semana Santa.
- Mas Música, 30 d'abril y 1 de mayo.
- Fiesta d'o Compromís de Casp,o zaguer cabo de semana de chunioo.
- Fiestas patronals de Sant Roque, 12 -17 d'agosto.
- Expocaspe, 29 d'otubre - 1 de noviembre.
Esportes
- O fútbol ye representato por o Club Deportivo Caspe.
Gastronomía
- Pastels d'alma.
- Pastels de rodeta.
Personalidaz naixitas de Casp
- Sant Indalecio,un d'os siet varons apostolicos que convirtió a lo cristianismo Sant Chaime en a evanchelización d'Hispania.
- Manuel Buenacasa,1886-1964, sendicalista, periodista y politico.
- Florencio Repollés Julve, 1931-1986,avogau y politico.
- Luís Andrés Edo, 1925 – 2009, historiador anarquista.
- Manuel Pellicer Catalán, 1926- 2018, arqueologo.
- Abel Mustieles, ciclista.
Ciudaz achirmanadas
Vinclos externos
Se veigan as imáchens de Commons sobre Casp.- (es) Ficha d'a población.
Referencias
- ↑ (es) Chesús Vázquez Obrador: Toponimia de Rodellar. Archivo de Filología Aragonesa. Nº 36-37
- ↑ (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
- ↑ https://web.archive.org/web/20110105133451/http://portal.aragob.es/archelec/index.jsp
- ↑ (es) Treinta aniversario de las primeras elecciones municipales de la democracia.
- ↑ (es) Consulta el listado de alcaldes que han sido proclamados en Aragón en Heraldo de Aragón
- ↑ (es) Ficha d'a Casa Barberán de Caspe en a pachina web d'o Ministerio de Cultura.
| Lugars d'o municipio de Casp | |
|---|---|
| Casp | Miraflors | Plachas de Chacón | Poblau de Pescadors | Zaragoceta |