Mont Albán

De Biquipedia
Ir ta: navego, busca
Ta atros emplegos d'o toponimo Mont Albán se veiga Mont Albán (desambigación).
Mont Albán
Municipio d'Aragón
Montalbán, Teruel, Aragón.jpg
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Cuencas Meneras
Superficie 82 km²
Población
 • Total

1350 hab. (2012)
Altaria 907 m.
Distancia
 • 81 km

enta Teruel
Codigo postal 44700
Ríos Martín
Coordenatas 40°49’55’’N 0°47’56’’U
Mont Albán en Aragón
Mont Albán
Mont Albán
Situación de Mont Albán en Aragón

Mont Albán ye una villa d'a provincia de Teruel. Ye a capital historico-cultural d'a comarca d'as Cuencas Meneras. A suya población yera de 1.335 habitants (2014).

Toponimia[editar | editar código]

O toponimo Mont Albán s'explica a partir d'o latín MONTE ("mont") y ALBANU ("blanco")[1][2], presentando equivalents en Italia, Francia y Espanya, que maninemos Alvaro Galmés de Fuentes no considera relacionaus con a blancura sino con una radiz preindoeuropea *ALB-, *ALP- indicadera de tascas, altarias u costeras[3]. En tot caso a tonalidat d'as sierras y monts en a redolada de Mont Albán ye clara por l'abundancia de calsineras, de fueras d'a on afloran o rodeno, as arenas d'Utriellas u os terrers relacionaus con a extracción de lignito.

A terminación -án ye a evolución d'un sufixo latín -ANUS[1], pero no corresponde a lo sufixo -ANUS indicador de pertenencia porque fa part de l'adchectivo ALBUS, un arcaísmo en o contexto ibero-romanz. D'acuerdo con Francisco Marsá Gómez os toponimos con o elemento albo son anteriors a la cheneralización de l'adchectivo blanco en o sieglo XIII, que ye o que se troba en os toponimos tipicos de reconquiesta. A presencia d'o elemento arcaico ALBUS en Mont Albán s'explica porque a suya reconquiesta se produció un sieglo antes[1]. Presenta una apocopa d'a o final, placentera si se compara con os Montalbano d'Italia.

Mugas[editar | editar código]

O suyo termin municipal muga con Torre de las Arcas, con Cabra, con Palomar, con Escuita, con Utriellas, con Martín, con Vivel, con La Foz de la Viella y con Obón.

Historia[editar | editar código]

A localidat de Mont Albán no ye documentada en fuents andalusís anteriors a la reconquiesta, quan precisament se documentan as primeras mencions historicas y literarias.

En o "Cantar de Mío Cid" (sieglo XII) ya se fa mención d'esta localidat:

Estonçes se mudó el Çid al puerto de Alucat, / dent corre Mio Çid a Huesca e a Montalván;/ en aquesta corrida X días ovieron a morar.

Se considera que a primera mención historica ye en a Bula d'Hadrián IV, que s'escribió o 22 de chunio de 1158:

...ecclesias de Codo, de Terrera, de Badenes, de Montfort, de Ora, de Martin, de Montelbano, de Belgit, et de Sancto Petro, cum omnibus pertinentiis suis; castrum de Cutanda et castrum de Albalat cum terminis suis et ecclesias ibi constructas.

En un documento d'o 3 d'abril de 1189 figura como part d'os dominios de Ferrando Ruiz d'Azagra como vasallo d'o rei d'Aragón:

Factum est hoc ipso Ferrando Roderici dominante in Aragone, per manum domini sui regis Aragonis, a partibus Tirasone civitatis, usque ad partes paganorum versus Turol. Martino episcopo regente Verracine ecclesie sedem. Petro de Calomart eiusdem ecclesie capellano existente. Eodem Lupo de Barea per manum Ferrandi Rodrici dominante in Turol. Semeno de Garinduem in Monte Albano. Rodrico d'Orgaiz in Martino et in Rodenas...

O 21 de marzo de 1208 o rei Pero II concedió o fuero de Zaragoza a los habitadors de Mont Albán. O 13 de chunio de 1210 este mesmo rei cedió Mont Albán y os suyos termins a la Orden de Sant Chaime[4] y d'esta traza esdevinió seu d'una comanda que incluiba as localidatz d'Adobas, Cabra, Escuita, Palomar, Torre de las Arcas, Utriellas y Villanueva de la Uerva.

Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
Partido de los Socialistas de Aragón 5
Partido Aragonés 1
Izquierda Unida 1
Partido Popular 1
C. Aragón 1
Total 9

Puestos d'intrés[editar | editar código]

Molimentos relichiosos[editar | editar código]

Museus[editar | editar código]

Referencias[editar | editar código]

  1. 1,0 1,1 1,2 (es) Agustín Ventura Conejero: Toponimia de la provincia de Teruel. Revista Teruel, nº 48, 1972. p 227, p 236, p 237, p 240.
  2. (es) Roberto Faure, María Asunción Ribes, Antonio García: Diccionario de apellidos españoles. Espasa-Calpe, 2009, p 524.
  3. (es) Álvaro Galmés de Fuentes: Los topónimos: sus blasones y trofeos (la toponimia mítica), Madrid, Real Academia de la Historia, 2000, pp 31-32.
  4. (es) Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. pp 876-878.

Se veiga tamién tamién[editar | editar código]

Vinclos externos[editar | editar código]


Lugars d'o municipio de Mont Albán
Poblaus: Mont Albán | Penyarroyas
Despoblaus: Quatro Dineros


 
Municipios d'a comarca d'as Cuencas Meneras
Arcaine | Aliaga | Anadón | Blesa | Canyizar de l'Olivar | Cabra | Cortz d'Aragón | Chosa | Cuevas d'Almudén | Escuita | Exarc de la Val | Finollosa d'Exarc | Fuent Ferrada | Maicas | Martín | Mezquita d'Exarc | Mont Albán | Muniesa | Obón | La Foz de la Viella | Palomar | Plou | Salcediello | Segura de los Banyos | Torre de las Arcas | Uesa | Utriellas | Villanueva del Rebollar | Vivel | La Zoma