Liena
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- A parola liana rendreita enta este articlo, ta las plantas que pinchan en os árbols d'a selva, se veiga Planta enfiladera.
Una liena[1] (variant fonetica documentata en aragonés central: liana[1][2]) ye lo nombre popular en aragonés ta dir d'un aria exposata d'un mesmo estrato duro de flysch, que per ixo forma una superficie de penya continua y esposata a lo temper, evocando-se una losa.
En a cultura tradicional, as lienas (como tamién as leneras) yeran o puesto d'extracción de cualques materials importants en a construción d'edificios en a montanya aragonesa. Con motivo de que ixas estructuras amaneixen normalment per fenomenos d'erosión y ixo no be pasa en os terrenos planos, as lienas b'apareixen cuasi siempre inclinatas en l'Alto Aragón, en as baixants de cualques monts.
Tamién per mor d'ixa inclinación o termin s'ha quiesto emplegar muito como sinonimo de liestra, que ixo ye, faixas de monte u versants que per estar petrosas u de terrers que las faigan imposibles de cultrar se consideran improductivas. A sobén, tamién se dicen lienas as leras u losas de penya de grans dimensions, que tradicionalment s'extraiban ta fer-ne cualques piezas d'os molins, como la cul d'a baseta en os que feban olio, u la lera de tierra en os fogarils tradicionals, posiblement per un uso metonimico a partir d'o puesto natural d'on se ne quitan (a liena propiament dita).
A relación lexica d'entre la liena que definím en o medio natural, y la liena d'os lenatos (que en muitos lugars se i diz, especificament, «lenastro» u «lenastra», que caldría considerar un termino mes especifico) posiblement tamién se basa en ixa relación metonimica respective a lo puesto d'on se ye quitata: una liena propiament dita u bella lenera.
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) QUINTANA i FONT, Artur, El Aragonés nuclear de Nerín y Sercué (Valle de Vio); Gara d'Edizions. Zaragoza, 2007. ISBN 978-84-8094-060-3
| Control d'autoridaz |
|
|---|
Datos: Q13049346