Casp

Casp
Municipio d'Aragón
Santa María la Mayor d'o Pilar.
Entidat  • País  • Provincia  • Comarca	Municipio Aragón  Zaragoza Baixo Aragón-Casp
Superficie	503,2 km²
Población  • Total	9,728 hab. (2009)
Altaria	152 m.
Distancia  • 100 km	enta Zaragoza
Codigo postal	50700
Coordenatas	41°14’ 6’’N 0° 2’27’’U
Casp Situación de Casp en Aragón

Casp (Caspe en castellán, Casp en catalán) ye una ciudat historica d'Aragón, situata a una distancia de 100 km a l'este de Zaragoza. Ye capital d'a comarca Baixo Aragón-Casp. Actualment tien unos 10.000 habitants, no habendo creixito quasi cosa en tot o sieglo XX.

Estió un important nugo de comunicacions, hue venito a menos.

A suya economía s'alazeta en o sector servicios, a industria testil y as grans espleitacions agricolas de regano (emparadas en gran mesura gracias a la immigración). Os prescos de Casp entran drentro d'a denominación d'orichen melocotón de Calanda.

Mugas

O suyo termin municipal muga con Mequinenza, Favara, Maella, Alcanyiz, Escatrón, Chiprana, Sastago, Burcharaloz, Penyalba y Fraga.

Toponimia

O toponimo Casp, documentato en fuents andalusís como Qsp, Qasp u Qasb s'ha quiesto relacionar con a parabra arabe Casba. Manimenos en aragonés existe a parabra caspiello pa dicir "tierra suelta, petrosa, que pierde a humidat pronto", y como microtoponimo lo trobamos en Rodellar y encara Andolz replega a parabra Caspillo en o suyo glosario de parabras d'o territorio aragonés. Caspiello puet tener una etimolochía relacionata con caspa y con o mozarabe gazpacho.

Bi ha muitos microtoponimos interesants que amuestran que enantes se charró l'aragonés, y n'alzan muitos caracters, como una balsa dita saladiella, la Ifesa, Efesa de la Villa,Lastras del Pallaruelo, un puesto dito mata lo perro, y atro trascrito como Miralpeis, pareixito a los toponimos Miralpeix que se troban en a Ribagorza. Bi ha toponimos arabes adaptatos a la fonetica aragonesa como Malchares Albanillos.

Apellitos

En Casp son mas freqüents os apellitos occitans tipicament rematatos en -ac que en atros lugars d'o Baixo Aragón: Albiac, Cirac.

Historia

Casp y a Mar d'Aragón.

O lugar ya existiba en o periodo musulmán y se transcribe de l'arabe Qsp, Qasp u Qasb. O escritor musulmán Yaqut d'os sieglos XII-XIII en da noticia: Qasb ye un castiello (hisn) de Zaragoza.

En o sieglo XV estió seu d'o famoso "Compromís de Casp" por o qualo s'imposó a dinastía d'os Trastamara en o reino d'Aragón.

En o sieglo XX mientres a Guerra Civil Espanyola estió seu d'o "Consello d'Aragón", Organo de Gubierno de l'Aragón Republicano.

Molimentos

Cuenta con un important patrimonio historico-artistico:

• Casa Barberán, protechita legalment dende o 6 d'octubre de 1979 con a suya declaración como Bien d'Intrés Cultural.
• Castiello d'o Compromís (hué esboldregato).
• Colechiata.
• Mausoleu Román de Miralpeix, huei en o nuclio urbán pero traito de Miralpeix.
• Ermita de la Malena.
• Convento de Franciscans.
• Torre de Salamanca.

Encara que muitas d'istas construcions se troban en deficient estato de conservación.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón	9	9	8	8	6	7	5	5	5
Compromiso por Caspe	-	-	-	-	-	-	5	5	3
Partido Popular	-	2	2	1	2	1	1	1	2
Partido Aragonés	-	-	0	3	4	1	1	2	2
Chunta Aragonesista	-	-	-	-	-	0	1	0	1
Independientes	-	-	-	1	1	4	-	-	-
Centro Democrático y Social	-	2	3	0	-	-	-	-	-
Unión de Centro Democrático	4	-	-	-	-	-	-	-	-
Total	13	13	13	13	13	13	13	13	13

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	María Teresa Francín Piquer	Partido de los Socialistas de Aragón
2011–2015	Florencio Meuris Repollés Lasheras	Partido de los Socialistas de Aragón

Esportes

• O fútbol ye representato por o Club Deportivo Caspe.

Vinclos externos

• Se veigan as imáchens de Commons sobre Casp.
• (es) Ficha d'a población.