Defesa

De Biquipedia

Una defesa ye un prato arbolato deribato d'a trasformazión d'a selba mediterrania e destinato a criar e paxentar bestiar compachinando a espleitazión de produtos forestals como leña, cazata, yerbas medizinals u fongos.

Bi n'ha que son propiedat comunal, pero tamién s'aplica o termin a fincas pribatas. En aragonés as defesas destinatas a lo bestiar de labor como güeis u burros son os boyalars.

As defesas son tipicas d'o paisache de l'ueste d'a Peninsula Iberica a lo sur de Salamanca e son tipicas de zonas con suelos pobres pa l'agricultura.

[editar] Etimolochía

Defesa probién d'o latín Defensa seguntes a fonetica aragonesa. En Casp se mantién a parabra ifesa con o sennificato de mont con abundanzia de maticals e pins diferenziato d'o sennificato orichinal en aragonés meyebal. En o castellán d'a Ribera Alta d'Ebro, Ribera Baxa d'Ebro e seguntes Andolz tamién en Exeya d'os Caballers "defesa" se diz Acampo, con mayor densidat d'emplego en o monezipio de Zaragoza, e Juan A. Frago Grazia lo considera un deribato postberbal de acampar.