Sant Roque
| Sant Roque | |||
|---|---|---|---|
 |
|||
| Información personal | |||
| Nombre | Sant Roque | ||
| Apodo: | {{{apodo}}} | ||
| Naiximiento | 1295 Montpeller, Francia |
||
| Muerte | 16 d'agosto de 1327 Montpeller, Francia |
||
| Información relichiosa | |||
| Festividat | 16 d'agosto | ||
| Venerato en | Tota la cristiandat. | ||
| Simbolochía | |||
| Patronache | Pelegrins, cans. | ||
| Centro de pelegrinache | {{{puesto pelegrinache}}} | ||
| Ordens | {{{orden}}} | ||
| Beatificación | {{{beatificación}}} | ||
| Canonización | |||
| Qüestions | {{{qüestions}}} | ||
Sant Roque ye naixito, d'alcuerdo con a tradición, de Montpeller (Francia) y estió en vida un pelegrín que marchó ta Roma y enzató una marcha per tota Italia en os siguients anyos, dedicando-se a fer curas de totz os infectatos per a Peste, a quala en plegó ta condenar a suya propia vida. A existencia d'iste santo s'ha d'enmarcar més que probablement en a segunda metat d'o sieglo XIV, y la suya defunción en Voghera, anque en hay altras falordias que dicen que habría estato en a mesma Montpeller.
O culto ta iste santo s'estendilló a sabelas priesas dimpués d'o sieglo XV. Alavez, dende Venecia s'enamploron os suyos horizonts ent'o mundo chermanico y, en especial, os Países Baixos. En o 1477, quan s'heba estendillato una altra epidemia de peste, se fayó fundata en Venecia una confrairía que fendo-le honor treballó con os empestatos, a quala fue conoixita dende l'inte como "La Confraternitá" u Scuole di San Rocco. Ixa agrupación en fomentó lo culto alzando-le capiellas y centros d'hospicio per tota Italia.
Muitos templos le son adedicatos per tot o mundo, pero en especial en ye uno en París, a man d'o Museu d'o Louvre, que fue alzato per orden d'o rei de Francia Luis XIV en l'anyo 1563, o qualo s'adestaca per as suyas caracteristicas arquitectonicas.
En o santoral cristiano, a suya onomastica ye celebrata o 16 d'agosto, sendo per ixas calendatas una d'as festividatz més freqüents como fiesta patronal en muitas localidatz d'Espanya.
