Rafael Andolz Canela
| Rafael Andolz Canela | |
|---|---|
| Información personal | |
| Calendata de naixencia: | 23 de noviembre de 1926 |
| Puesto de naixencia: |  Chaca (Chacetania, Aragón) |
| Calendata de muerte: | 9 d'octubre de 1998 |
| Puesto de muerte: | Uesca (Plana de Uesca, Aragón) |
| Ocupación: | Lexicografo, escritor y etnologo |
Rafael Andolz Canela (Chaca, 23 de noviembre de 1926 - Uesca, 9 d'octubre de 1998), ye un lexicografo, escritor y etnologo aragonés. Estió miembro d'o Instituto Aragonés de Antropología, d'o Instituto de Estudios Altoaragoneses, y fundador d'o Consello d'a Fabla Aragonesa.
Mosén de profesión, ye autor de una ventena de libros, d'entre os que destaca o Diccionario Aragonés: aragonés-castellano, castellano-aragonés (1977), que a tamas d'o suyo títol ye un glosario de parabras que se fan servir en tot o territorio aragonés y no necesariament parabras en aragonés u no necesariament d'on que se charra u se charró l'aragonés. Abundan as parabras tipicament catalanas d'as comarcas orientals de Aragón, amás, no trascritas a ortografía catalana.
Entre os suyos libros cal destacar: La aventura del contrabando en Aragón (1988), El Humor altoaragonés (1988), El nacer en Aragón: mitos y costumbres (1991), El casamiento en Aragón: mitos y costumbres (1993), La muerte en Aragón (1995), Fermín Arrudi: el gigante aragonés de Sallent de Gállego (1998),[1] Así somos, así fuimos: la pequeña historia del Alto Aragón (1998) y d'os articlos cal destacar Refranes, dichos, frases hechas y expresiones en aragonés y en catalán de Aragón (1987), De pilmadores, curanderos y sanadores: metodología para su estudio (1994) u Cómo fazié o mío dizionario aragonés (1998).
