Sastago

Sastago
Municipio d'Aragón
Monesterio de Rueda.
Entidat  • País  • Provincia  • Comarca	Municipio Aragón  Zaragoza Ribera Baixa de l'Ebro
Superficie	301 km²
Población  • Total	1.307 hab.
Altaria	153 m.
Distancia  • 64 km	enta Zaragoza
Codigo postal	50780
Chentilicio	sastaguinos
Ríos	Ebro
Coordenatas	41°19’19’’N 0°20’49’’U
Sastago Situación de Sastago en Aragón
www.Sastago.es

Sastago (en castellán Sástago) ye un municipio aragonés de la provincia de Zaragoza, situato en la comarca de la Ribera Baixa de l'Ebro. La suya población ye de 1.307 habitants (2004), en una superficie de 301 km².

Cheografía

Ye situato en la marguin dreita de l'Ebro en la zona de meandros, que en Sastago y la suya redolata se dicen vueltas. Se troba a 64 metros d'altaria sobre o ran d'a mar, a una distancia de 64 km d'a ciudat de Zaragoza, a capital d'a suya provincia y d'Aragón.

Mugas

Lo suyo termin muga con Casterló, Exatiel, La Puebla d'Íxar, La Zaida, Alforc, Cinco Olivas, Alborche, Viliella d'Ebro, Exelsa, Pina d'Ebro, Burcharaloz, Casp, Chiprana y Escatrón.

Alforc	Cinco Olivas, Alborche, Viliella d'Ebro, Exelsa, Pina d'Ebro	Burcharaloz
La Zaida		Casp
Exatiel, La Puebla d'Íxar	Escatrón, Casterló, Exatiel, La Puebla d'Íxar	Chiprana

Molimentos

Lo monesterio de Rueda ye en lo termin de Sastago, encara que tienga més relación con Escatrón, porque ye mas a mán.

Historia

Con Pero II los de la familia Blasco d'Alagón teneban Sastago como tenents, dimpués la villa y castiello estioron de la familia Blasco d'Alagón, donatos por lo rei Chaime I en compensación por la obligación de ceder-li Moriella. N'esta zona entroron en un conflicto d'intreses con lo monesterio de Rueda, por lo que en 1242 Chaime I ordinó que se fese una muga fixa entre lo termin de Sastago y Rueda, con acta de mollonación. En lo sieglo XVI la senyoría cambeó ta condato de Sastago. I heba muita población morisca, que fue forachitata en lo sieglo XVIII.

Toponimia menor

Son curiosos toponimos como Varella de Pez, Varello los lobos, Plana Lobera, Planas de los Mases de Pez, Grallas, Camino de las Grallas, y Barranco del Cerbellón, con sufixo doble aragonés -ellón alzato y que seguntes un J.A. Frago Gracia fa referencia a los ciervos que encara se i troban, pero que ye més fácil que tienga relación con un apellito.

Boca de día en Sastago

Cultura

I heba una industria tradicional de cuitiellos, los cuchillos sastaginos (a vegatas ditos simplement como sastaguinos), con mango decorato con nacra de bivalvos d'augua dulce, Margaritifera auricularia. Yeran muito populars en Aragón y mesmo podeban estar arma blanca en las barallas en la carrera. Salen en la baralla aragonesa como as de espatas.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									4
Partido Aragonés									3
Partido Popular									2
Total									9

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	José María Calvo
2011–2015	María Joaquina Yuste Gracia	Partido Aragonés

Fiestas

• 14-18 d'agosto, Fiestas patronals en honor a la Virchen de Mont Ler y Sant Roque
• 16-18 de chinero, Sant Antón, con foguera gran, vin y chorizo rustito a la brasa pa totz.
• 25 d'abril romería ta la Ermita de Mont Ler.

Vinclos externos

• Se veigan as imáchens de Commons sobre Sastago.
• (es) www.Sastago.es.
• (an) Diccionario de l'aragonés de Sastago.