Rodellar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rodellar
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Semontano de Balbastro Biarche
Partiu chudicial	Balbastro
Población  • Total	47 hab. (2009)
Altaria  • Meyana	761 m.
Distancia  • 59 km	enta Uesca
Codigo postal	22144
Parroquial  • Diocesi  • Arcipestrau	Uesca Semontano-Sobrarbe
Coordenadas	42°16’56’’N 0° 4’43’’U
Rodellar Rodellar en Aragón

Rodellar ye un lugar d'o municipio de Biarche, situato en a provincia de Uesca y comarca d'o Semontano de Balbastro.

A suya población ye de 47 habitants (2009).

Cheografía

Rodellar ye situato à 761 metros sobre o livel d'a mar, a una distancia de 59 km de Uesca, a capital d'a suya provincia.

Toponimia

Mencionato como Arrotellares en os textos en latín notarial arromanzato como en uno de 1094 d'a colección de documentos correspondients a lo reinato de Sancho Remíriz, documentos estudiatos por José Salarrullana:

Hoc est donativum unam vineam de Sancto Atriano et una terra in Arrotellares.

"Rodellar" puet significar puesto con muitos ruellos, y en castellano de Soria se fa servir encara a palabra pareixita rodejo, que en castellano daría un toponimo equivalent *Rodejar.

A microtoponimia ye cuasi de tot en aragonés y bi ha caracters fosilizatos que ya no se daba en a parla local d'o sieglo XX.

• Bi ha casos de diftongos -ua-, -ia-: Costazuala d'o Tendero, Cuasta, Penya Rubiacha, Cuangas, Paco as tuartas, Piliacha, Os viatres, Vachillualas, Yadra, Artica a Portiacha, Astiviacha, Fachualas, etc...
• A mayoría d'as xordas intervocalicas no sonorizan: Laco Grande, Laco a Sabina, Lacuna, Aspluca, Ospuquiello, Bozacal d'os Gatos, Cueva as Tramaqueras, Foratón d'o Pelaire, Plana Foratata, Foricón, Paco d'os Novalíos, Plana Foratata, Sarripas d'Oliván, Lupera, Caxicar, Nuqueras, Salieto, Artica a Portiacha. Bi ha sonorización en una minoría de casos: Collada, Crabas y o mesmo Rodellar.
• Relacionato con esto o grupo -TR- se conserva: Petrosas de Vellanuba, Piatra, Cuatrón y Cuatroner.
• Bi ha bel caso de sonorización dimpués de liquida: Cuangas, Cámbol y Bendosa.
• Bi ha casos minoritarios d'evolución de -LL- enta -ch-: Patriecho, Vachillualas, Vachellas, Astiviacha, Portiacha, Lepusiecho, ecetra...

Historia

A primera cita d'o lugar, seguntes Agustín Ubieto Arteta, ye en 1055, en l'articlo de Florentín Andrés y Valero Castillos Turolenses (en Teruel, numero 24, 1960, pachinas 145-168), y documenta as bariants Rodeyllar, Rodelar, Rotellar, Robellar, Rotollane, Arrotellar, Arrotollares, Arrotellares, Arretallares y Arretellares.

Bibliografía

• Chesús Vázquez, Rosa Justes, "CONTRIBUCIÓN AL VOCABULARIO DE ANIMALES Y PLANTAS DE RODELLAR (HUESCA)". Archivo de Filología Aragonesa Lº 36-37
• Chesús Vázquez, "TOPONIMIA DE RODELLAR". Archivo de Filología Aragonesa, Lº 36-37.