Urreya de Gayén

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Urreya de Gayén
Municipio d'Aragón
Bandera Escudo d'armas

Ilesia de Sant Per
Entidat
 • País
 • Provincia
 • Comarca
Municipio
 Aragón
 Teruel
Baixo Martín
Partiu chudicial Alcanyiz
Superficie 41,1 km²
Población
 • Total

447 hab. (2013)
Altaria
 • Meyana

308 m.
Distancia
 • 154 km

enta Teruel
Codigo postal 44593
Parroquial
 • Archidiocesi
 • Arcipestrau

Zaragoza
Íxar
Ríos río Martín
Coordenadas
Urreya de Gayén ubicada en Aragón
Urreya de Gayén
Urreya de Gayén
Urreya de Gayén en Aragón
Web oficial

Urreya de Gayén (Urrea de Gaén en castellano) ye un municipio aragonés de la provincia de Teruel, situato en la comarca de lo Baixo Martín.

La suya población ye de 435 habitants (2019), en una superficie de 41,1 km².

Cheografía[editar | modificar o codigo]

Ye situato a la ezquierda de lo río Martín, en la carretera TE-110 que une Albalat de l'Arcebispe y Íxar.

Mugas[editar | modificar o codigo]

Íxar Íxar Íxar
Íxar
Albalat de l'Arcebispe Albalat de l'Arcebispe Andorra

Toponimia[editar | modificar o codigo]

En lo pasato se deciba Urreya d'Íxar (Antonio Ubieto Arteta que no gosa mencionar variants foneticas u graficas de los toponimos que tracta y diz que ye Urrea de Híjar entre 1488 y 1646).

Como Urreya sin apelativo lo veyemos en un texto en latín[1] de 1291:

Nos ecclesias de Ixar supposuimos ecclesíastico Interdicto. Ipsivero, tamquam rebelles et alii etiam vicini de Ixar, ut intellexiraus, divina officia audiebant et audíunt ín ecclesia de Urreya, et ibidem recipiunt alia ecclesiastica sacramenta; unde, quia crescente contumacia crescere debet et pena, ecclesiam de Urreya ad instantiam dicti Operarii in hiis scriptis supponimus ecclesiastíco Interdicto. Quapropter mandamus vobis quatinus in. predicta ecclesia de Urreya milla divina oíñcia celebretis, nec vicinis de Ixar in predicta ecclesia aliqua sacramenta ecclesiastica ministretis preter penitentias moríentium et babtismata parvulorum

Tamién en textos en aragonés de l'Archivo ducal d'Íxar se puet leyer Urreya sin apelativo; en un texto de 1300 copiato en lo sieglo XVIII con lacunas, y posibles errors:

jus la manera y condiciones de los sobreditos doscientos y setenta sueldos por mí de parte de suso dados y asignados, y el dito cafiz de trigo, le asigno sobre la renda del dito arrendamiento del Val de la Romaria y el dito metro de mosto sobre la dita viña del passo de Urreya

Atras variants documentals en son: Urrea, Orrea, Orreia, Orreya, Orenya y Horreia.

Dende 1713 prene de Gayén, por una de las zaicas principals de lo río Martín. Se creye que Gayén puet estar d'orichen latino y tener lo sufixo de pertenencia -ENUS. Asinas sería lo que ye de Gaius. L'antroponimo Gayus se troba en las inscripcions romanas de La Iglesuela. En lo fogache de 1495 bi heba chent con apellito Gayén en Albalat de l'Arcebispe.

Historia[editar | modificar o codigo]

Bi ha un chacimiento de la I Edat de Fierro en lo Cabezo Redondo, un chacimiento iberico en lo Cabezo Carrasco, y ye mas conoixita a villa romana en lo Regadío. En lo Museu Provincial de Teruel se conservan mosaicos d'iste chacimiento. No ye mencionata en garra texto de lo sieglo XII, y la primera mención ye de 1242, cuan se facioron las mugas de los terminos d'Urreya, Albalat de l'Arcebispe, Íxar y Almochuel.

Parla[editar | modificar o codigo]

Como en tot lo Baixo Aragón en sentito amplo, bi ha muitos aragonesismos. Claman l'atención las palabras abocar, a sobén, bambolla, batollar, cadillo, l'imperfecto caiba, foyeta, fastio, calivo, chemecar, chirigallo (ceringallo en Sobrarbe), chito, cirgüello, clocha, cribaza, cuairón, dalla, pa cutio, desfollinar, dorondón, encendallo, empandullo, esfullar, esgarfollar, fal, falca, farinetas, farnaca, finollo, garfolla, gorgollo, uebra, malfurrir, megolla, muir, nogallos, perillán, sorollar, tartir.

Aragonesismos interesants no documentatos en atros lugars de la redolata son pre (encara que con significato fosilizato en "paga pa los ninos los días de fiesta"), y alacar (derivato de laco).

Demografía[editar | modificar o codigo]

Evolución demografica
2012 2013 2014 2015 2016 2017 2018 2019 2020
- - - - - - - 435 -

2021 2022 2023 2024 2025 2026 2027 2028 -
- 440 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | modificar o codigo]

Reparto de concellers[editar | modificar o codigo]

Eleccions municipals
Partiu 1979 1983 1987 1991 1995 1999 2003 2007 2011
Partido de los Socialistas de Aragón 4
Partido Popular 3
Total 7

Alcaldes[editar | modificar o codigo]

Lista d'alcaldes
Lechislatura Nombre Partiu politico
19791983 Pascual Gasque Herrero [2] UCD
19831987 Ángel Daniel Tomás Tomás[3] PSOE
19871991 Ángel Daniel Tomás Tomás PSOE
19911995 Ángel Daniel Tomás Tomás PSOE
19951999 Ángel Daniel Tomás Tomás PSOE
19992003 Ángel Daniel Tomás Tomás PSOE
20032007 Ángel Daniel Tomás Tomás PSOE
20072011 Ángel Daniel Tomás Tomás PSOE
2011-2015 Ángel Daniel Tomás Tomás PSOE
2015-2019 Pedro Joaquín Lafaja Sesé PP
2019-2023 Pedro Joaquín Lafaja Sesé PP

Personalidaz naixitas d'Urreya de Gayén[editar | modificar o codigo]

Categoría principal: Naixitos d'Urreya de Gayén.

Puestos d'intrés[editar | modificar o codigo]

Molimentos relichiosos[editar | modificar o codigo]

Obras hidraulicas[editar | modificar o codigo]

  • Balsa de las Planas.

Fiestas[editar | modificar o codigo]

  • Semana Santa.
  • 15 y 16 d'agosto, Sant Roque y l'Asumpción de Santa María.

Bibliografía consultata[editar | modificar o codigo]

  • (es) Demelsa Ortiz Cruz. Aproximación al estudio toponímico de algunos lugares aragoneses de la Casa de Híjar. Cuadernos del Ducado de Híjar, 1. 2008.

Veyer tamién[editar | modificar o codigo]

Referencias[editar | modificar o codigo]

  1. Don Guillermo Del val notifica al vicario de la parroquia de las iglesias de Híjar, el recargo a que se habían hecho acreedores los vecinos de Híjar por el pago de las primicias. Fita Colomé, Fidel. EL PILAR DE ZARAGOZA. SU TEMPLO Y SU TRADICIÓN HISTÓRICA HASTA EL AÑO 1324. Boletín de la Real Academia de la Historia, tomo 44 (1904) pp525-544
  2. (es) Treinta aniversario de las primeras elecciones municipales de la democracia.
  3. (es) Ángel Daniel Tomás Tomás en a pachina web d'as Corz d'Aragón.

Enrastes externos[editar | modificar o codigo]