Falca

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Esquema de fuerzas en una falca

A falca[1][2] (de l'arabe < falqa "ascla"[3]) ye una maquina simpla formata por una pieza de fusta u de metal que remata en anglo diedro muit aguto. Tecnicament ye un dople plan enclinato portatil. Sirve ta fender u dividir cuerpos solidos, ta achustar u pretar un con l'atro, ta falcar-los u ta emplir bella ralla u ueco.

O funcionamiento d'a falca responde a lo mesmo prencipio que o d'o plan enclinato. Movendo-se-ne enta la dirección d'o suyo canto esmolato, a falca chenera grans fuerzas en sentito perpendicular a la direción d'o movimento. Istas son as fuerzas que s'aprofitan ta deseparar obchectos, u ta chenerar fricción y mantener a falca fixa a los obchectos con que ye en contacto.

Eixemplos mui plateros de falcas son a estral, o sincel y o clau, encara que en cheneral cualsiquier ferramienta esmolata, como lo cutiello u o tallo d'as estixeras, puet actuar como una falca.

Falca tamién ye o nombre que se da a una pieza publicitaria radiofonica. Ye decir, o que en televisión se diz popularment anuncio publicitario, en radio se diz falca publicitaria.

Referencias[editar | modificar o codigo]

  1. (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.28
  2. (es) María Pilar Lacasa Carrascosa:El habla de Alcolea de Cinca: breve caracterización lingüística y vocabulario. Archivo de filología aragonesa Nº 66, 2010, pp. 193-216, ISSN 0210-5624
  3. (es) Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de Filología Nº 15, 2003, pp. 65-151, ISSN 0214-7602

Vinclos externos[editar | modificar o codigo]