Laco
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Laco pa recullir o mosto d'o trullar d'una prensa de vin en o Museu d'o vin de Buscoitos de Praia da Vitória, en as Islas Azores.
- Este articlo ye sobre recipient vitivinicola; ta atros significaus d'a palabra Laco, vaiga a Laco (desambigación).
Un laco u lago[1] (d'o latín <LACCUM[2], "cisterna", y este d'o griego LAKKOS) ye una pila de piedra u ceramica con dimensions rectangulars situato a lo canto de lo trullar pero un poquet més baixo que lo suyo fondón y que permeteba a colocación de tenallas pa obtener lo vin ya fermentato que cayeba dende l'interior de lo trullar a traviés d'una canilla.
A palabra vinatera "laco" que tamién se feba servir en romanz navarro y aragonés d'a Val de l'Ebro y no representa un caso de conservación d'as oclusivas xordas intervocalicas. Representa una lei fonetica present en palabras como vaca < VACCA u boca < BUCCA, que conservan o fonema -K- dimpués de desapareixer a cheminación.
Referencias[editar | modificar o codigo]
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ Ernest Nègre Toponymie générale de la France 5099 [1]