Juan Cabañero y Esponera

De Biquipedia
Ir a la navegación Ir a la búsqueda
Juan Cabañero y Esponera
1798 - 3 de mayo de 1850
Información personal
Embotada
Puesto de naixencia Flag of Aragon.svg Urreya de Gayén (Baixo Martín, Teruel)
Puesto de muerte Flag of Aragon.svg Albalat de l'Arcebispe (Baixo Martín, Teruel)
Información melitar
Leyaltat Flag of Spain (1785–1873, 1875–1931).svg Reino d'Espanya
Flag of Cross of Burgundy.svg Carlismo(1833-1839)
Flag of Spain (1785–1873, 1875–1931).svg Reino d'Espanya
Anyos de servicio
Rango Cheneral
Mandos
Unidat
Batallas/guerras Guerras Carlistas
Primera Guerra Carlista
Cincomarzada
Segunda Guerra Carlista
Premios
Atras funcions

Juan Cabañero y Esponera, naixito d'Urreya de Gayén (hue en o Baixo Martín, Teruel) en 1798 y muerto o 3 de mayo de 1850 en Albalat de l'Arcebispe (Baixo Martín, Teruel), estió un melitar aragonés, conoixito por a suya participación en as Guerras Carlistas, quan dimpués de dentrar en Belchit o 4 de marzo de 1838 tentó de conquerir a ciudat de Zaragoza en a dita Cincomarzada (mientres a Primera Guerra Carlista), o 5 de marzo de 1838, y fue redotato por a población d'a ciudat, que dende ixas envueltas commemoran a suya victoria con una fiesta popular.

Cabañero partecipó tamién en atras accions melitars con os sublevatos carlistas: o 20 de marzo de 1838 as suyas tropas redotoron a os liberals en Molina d'Aragón (Guadalachara) y dentroron en Calatayú o 27 d'abril. En chulio de 1838 con un batallón de soldatos aragoneses, o VI Batallón d'Aragón, esfendió a ciudat de Moriella (Castellón).

Sindembargo, en estar en desalcuerdos con Ramón Cabrera, qui manaba o frent aragonés ta os carlistas en a guerra, demandó ser tresladato a o Frent d'o Norte, en combatindo en tierras de Navarra mandato por Rafael Maroto, qui o 31 d'agosto de 1839 signó o Convenio de Bergara, que remató a guerra en Navarra y o País Vasco. Asinas, Cabañero s'adhibió a os liberals contra o suyo antigo chefe, Cabrera, qui continó con a guerra en Aragón, País Valencián y sud de Catalunya. Cabrera mandó fusilar a o fillo de Cabañero, un mozo de 18 anyadas, a man de Moriella.

En 1848-1848, mientres a Segunda Guerra Carlista, Cabañero tornó a aduyar a os liberals contra os carlistas en as comarcas terolanas d'o Mayestrato y d'o Baixo Aragón.

En 1849, Cabañero fue nombrato Gubernador Melitar de Teruel, feito que provocó polemicas con os republicans d'a provincia, que no confiaban en a suya fidelitat a o liberalismo.

Bibliografía consultata[editar | editar código]