Gayén

De Biquipedia
Ir ta: navego, busca
Gayén
Localidat d'Aragón
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Teruel (provincia).svg Teruel
Baixo Martín
La Puebla d'Íxar
Población
 • Total

0 hab.

Gayén ye un toponimo mencionato en textos medievals que puet fer referencia a un antigo nuclio de población que i heba en lo termin de l'actual Puebla d'Íxar en la epoca musulmana antes de la Repoblación.

Ye posible que lo nuclio habitato antes de la Reconquiesta fuese d'orichen hispanorromán, porque pareix remontar-se a un Gaienus u Gaianus,[1] y faría referencia a la propiedat d'un terratenient dito Gaius. De feito en La Puebla d'Íxar bi ha restos d'una villa romana a man de la Fuente del Charif.

Se menciona Gaén en la traducción a lo castellán de la Carta Puebla d'Íxar (entre Gaén y la Vega). La Carta Puebla la atorgoron en 1285 y lo texto orichinal ye en latín, pero desgraciadament l'orichinal lo cremoron en la Guerra Civil.

Como s'ha desvenito en Puebla d'Arenoso y Puebla de Castro, dimpués de la reconquiesta quan s'atorgó la Carta Puebla amaneixió lo nuclio de Pobla de Gayén que con lo tiempo sustituyó u absorbió a Gayén.

Lo toponimo Gayén existiba como apellito en lo sieglo XV en Albalat de l'Arcebispe. Tamién en un texto de lo sieglo XV escrito en Las Cuevas de Canyart se menciona a una presona natural de Gaén. Tamién trobamos un Vallero Gallen en o Libro de la colecta de la pecha (1360-1369) en Mosqueruela.

Lo toponimo persiste en la toponimia actual con la zaica gaén que leva l'augua de lo río Martín ta la Puebla d'Íxar, y en Urrea de Gaén quan Urreya d'Íxar y La Puebla de Gayén cambeoron las suyas terminacions.

Referencias[editar | editar código]

  1. Agustín Ventura Conejero Toponimia de la provincia de Teruel. Revista Teruel 48, 1972, pp. 221-245