Muyida
A muyida[1][nota 1] (de o latín <*MULGETA, de <MULGERE, «muyir») u muidura[2][1][nota 2] (derivau verbal con sufixo -ura) ye l'acción muyir, de quitar a leit d'as glandulas mamarias d'un animal mamifero.
O procedimiento manual, realizau mientres a mayor parte d'a historia d'a humanidat, consiste en emular con as mans os efectos de a succión que fa a cría de l'animal (vetiello, crabito, cordero) con a boca sobre a glandula en tetar. Isto se consigue efectuando un masache secuencial con os didos, en sentiu descendent, embolicando con una mano cada teta y zarrando o dido indice, dimpués o meyo, dimpués l'anular y ta rematar o chiquilín, sin deixar de presionar os didos ya zarraus cuan se en apreta un nuevo. A secuencia se repite muitas vegadas, pus con cada aplicación por a teta manará un churro de leit. Ista forma de muyir no le fa mal a la mai y resulta la mas eficient en a extracción d'a leit.
En l'actualidat, o proceso de muyida ye muit mecanizau, y en os países d'a Unión Europea existen diferents mesuras de prohibición u limitación de consumo d'a leit cruda, por considerar-se potencialment patochena, por o cual a suya obtención con finalidat comercial ye restrinchida a las granchas y establimientos que disposen d'autorización y que pasan controls sanitarios regulars.
Notas
[editar | modificar o codigo]Referencias
[editar | modificar o codigo]- 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) María Pilar Benítez Marco L'ansotano. Estudio del habla del Valle de Ansó: Gobierno de Aragón, 2001. p 315.
