Uesa

Este articlo tracta sobre lo municipio teruelano de Uesa. Pa atros emplegos se veiga Uesa (desambigación).

Uesa Huesa del Común
Municipio d'Aragón
Entidat  • País  • Provincia  • Comarca	Municipio  Aragón  Teruel Cuencas Meneras
Partiu chudicial	Calamocha
Superficie	61,70 km²
Población  • Total	55 hab. (2025)
Altaria  • Meyana	869 m.
Distancia  • 109 km	enta Teruel
Alcalde	Maria Ermerinda Sinues Burillo
Codigo postal	44213
Parroquial  • Diocesi  • Arcipestrau  • Parroquia	Teruel y Albarracín Mont Albán Sant Miguel arcánchel
Coordenadas	41° 0’37’’N 0°55’11’’U
Uesa Uesa en Aragón
Web oficial

Uesa (Huesa del Común en castellano) ye una villa y municipio d'a provincia de Teruel (Aragón), situau en a comarca d'as Cuencas Meneras. Fa parte d'o partiu chudicial de Calamocha. Perteneixe a l'arcipestrau de Mont Albán en a diocesi de Teruel y Albarracín.

Uesa

A suya población (2006) ye de 106 habitants (2006) en una superficie de 61,70 km², con una densidat de población d'1,72 hab/km².

Cheografía

Uesa

Uesa ye situau a 869 metros d'altaria sobre lo livel d'a mar, en una muga entre materials cretacios cuasi verticals (a on ye lo castiello), y materials terciarios mas plans d'una cuenca sedimentaria marguinal, salindo d'una foz que modela lo río Aguas tallando los estratos cretacios.

Comprende lo lugar de Rudiella, a lo sud-ueste de lo termin.

O lugar de Uesa se troba situau a una distancia de 109 km d'a ciudat de Teruel, a capital d'a suya provincia.

Mugas

O suyo termin municipal muga con Blesa, Plou, Maicas, Anadón, Allueva, Fuent Frida, Loscos y Mont-fort.

Demografía

Evolución demografica

1910 1920 1930 1940 1950 1960 1970 1981 1991 - - - - - - - - 155

1992 1994 1996 1997 1998 1999 2000 2001 2002 - - 138 - 136 139 135 131 130

2003 2004 2005 2006 2007 2008 2009 2010 2011 128 116 111 106 105 101 97 90 92

2012 2013 2014 2015 2016 2017 2018 2019 2020 86 82 73 73 69 67 67 73 69

2021 2022 2023 2024 2025 2026 2027 2028 - 73 71 - - 55 - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Toponimia

En un texto en latín de l'Archivo de lo Pilar de 1126 escrito en Belchit firma como testigo un tal Joannes de Huasa (puet estar por la presencia de montanyeses pirenencos u por un escriba montanyés entre las tropas que heban conqueriu Belchit feba poco).

Uesa amaneix en las primicias de 1280 con a forma Osa que ye fácil que siga una forma latinizada. De feito "Uesa" puede venir de lo latín Ossa, plural de Ossum (ueso), estando un chenero neutro latino fosilizau como l'italiano le ossa (toz los uesos de lo cuerpo). Apareixe en lo fogache de 1495 como Guessa; atros cambios han estau Huesa dica 1860 y Huesa del Común dende 1873.

Rudiella se deciba Fuent Arodiella en las primicias de 1279-1280.

Microtoponimos

En textos d'o sieglo XV trobamos bel microtoponimo en aragonés u con component en aragonés y beluns encara existen: Marineta, Campo del Frayre, Plano de la Foz, La Foia el Arenal, Los Romarales, La Torraza, Los Albares, Val de Ombriz, La Canyada del Carrascal de Huesa, Vega de Franchones, Val de la Figuera, Royales, La Crabera, Los Quinyones, Loma Domingo, Cara al Pueyo, Canyada Salnueva, Royal, Model, El Moliniello, Las Fontaniellas en el Plano de La Foz, Regallo de la Villa, La Foz de Huesa.

Historia

Bi ha un castiello escachau que se diz que yera d'o Cid Campiador en a suya etapa de mercenario. Beluns creyen que ye l'hisn Warsa de textos arabes.

Estió reconquerida a los musulmans per as tropas d'o reino d'Aragón comandadas per Remón Berenguer IV de Barcelona en 1151.

En a Edat Meya, Uesa, Anadón, Blesa, Cortes d'Aragón, Chosa, Maicas, Muniesa, Plenas, Plou, Salcediello y Segura formaban la Honor de Uesa. En 1489 Uesa perteneixeba a la sobrecullida de Mont Albán, pero en o fogache de 1495 figura como una localidat d'a sobrecullida de Daroca. A principios d'o sieglo XVI la Honor de Uesa s'unió con a Comunidat de Daroca convertindo-se en a seixma de la Honor de Uesa.

En tiempos estió uno de los lugars mas poblaus de Teruel por a suya industria ceramica, basada en o caolín que se troba en la formación arenas d'Utriellas

Parla

Entre los aragonesismos curiosos que se conservan en la parla uesina tenemos: airegaz, cabodanyo, chingallo, furgar, quiento, meligo, milopa, moncha. Clama l'atención pasata, participio en -ato fosilizau por sustantivación.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									3
Partido de los Socialistas de Aragón									1
Partido Popular									1
Total									3

Alcaldes

Lista d'alcaldes

Lechislatura	Nombre	Partiu politico
1979–1983	Emiliano Pradas Herrando	Unión de Centro Democrático
1983–1987
1987–1991
1991–1995
1995–1999
1999–2003
2003–2007
2007–2011	María Ermerinda Sinués Burillo
2011–2015	María Ermerinda Sinués Burillo	Partido Aragonés
2015–2019
2019–2023
2023–2027	Joaquina Teresa Juan Esteban	Partido Popular de Aragón

Puestos d'intrés

Restas d'o castiello de Penyaflor.

• Repuis d'o castiello d'o sieglo XII, conoixiu como Castiello de Penyaflor.
• Ilesia de Sant Miguel.
• Ermita de Santa Quiteria.
• Casa d'a Villa.
• Pozo de chelo.
• Peirón de Sant Miguel.
• Peirón de Sant Per.

Vinclos externos

• Se veigan as imáchens de Commons sobre Uesa.
• www.Huesa.com.
• Lexico de Uesa.

Veyer tamién

• Lista de municipios de Teruel.

Lugars d'o municipio de Uesa
Uesa | Rudiella

• Datos: Q736928
• Multimedia: Huesa del Común / Q736928