Chenero neutro

De Biquipedia
Ir ta: navego, busca

En bellas luengas indoeuropeas como o latín bi ha un chenero neutro pa nocions abstractas u impresonals. En qualques luengas neolatinas o neutro ha desapareixiu quedando-ne restos, pero en atras como o rumán se conserva.

Chenero neutro en latín[editar | editar código]

En latín bi ha neutros en diferents declinacions. En a declinación consonantica bi ha parolas neutras con temas en -s (corpus, pectus y tempus), en -en (nomen, lumen, ligamen, examen, gramen, semen), en -r u -re (cor, ruber, mare), en -l (mel, fel), -t (caput) y -c (lac).

Chenero neutro en rumán[editar | editar código]

Entre as luengas neolatinas, o rumán conserva o chenero neutro latín pero d'una forma que en singular pareixe masculín y en plural pareixe feminín. O plural d'as parolas neutras se fa con as desinencias -e, -uri u -i.[1]

S'anyade -e en os remataus en: -ar, -er, -ent, -ment, -aj, -ăt, -et, -ism, consonant+ru, -or, -sor y -tor, y estas zagueras terminacions esdevinenen -oare por a declinación interna tipica d'o rumán.

Singular Plural
-ar dicționar dicționare
-er frigider frigidere
-ent sentiment sentimente
-aj etaj etaje
-et sunet sunete
-ism silogism silogisme
consonant + -ru teatru teatre
-or covor covoare
-sor ascensor ascensoare
-tor tractor tractoare

S'anyade -uri en os remataus en -o, ó, -ou, , consonant + lu, supins y monosilabos:

Singular Plural
-o radio radiouri
apropo apropouri
-ou cazinou cazinouri
atu atuuri
consonant + -lu titlu titluri
supins cules culesuri
monosilabos loc locuri

S'anyade -i en a mes gran part d'o remataus en -iu, y por eixemplo exercițiu y acvariu fan plurals en exerciții y acvarii, pero bi ha muitas excepcions.

Restos de chenero neutro en catalán[editar | editar código]

En catalán existe o pronombre presonal neutro ho, que tamién existe en benasqués, u, y que complenta obchectos directos neutros, a vegatas representatos por lo pronombre demostrativo neutro açò, això y allò (esto y ixo).

As parolas masculinas cos ("cuerpo") y temps ("tiempo") presentan una -s final que se remonta a lo tema en -s d'os neutros d'a declinación consonantica corpus, tempus y pectus.

Restos de chenero neutro en castellán[editar | editar código]

En castellán, o chenero neutro nomás se conserva en l'articlo definito lo, o pronombre presonal ello, os demostrativos esto, eso, aquello y as quantificadors cuanto, cuánto, tanto. Tradicionalment tamién se considera que os pronombres indefinitos algo, nada, todo tienen o chenero neutro. Antimás bi ha palabras femeninas que en l'orichen suyo yeran plurals: rama (de ramo), braza (de brazo), lenya (de lenyo), hoja, ecetra. Ye curioso que o nombre d'a rechión d'on ye orichinario o castellán, siga un plural neutro de Castiello: Castiella.

  • CASTELLA > Castiella > Castilla.

Restos de chenero neutro en aragonés[editar | editar código]

O mesmo se podería dicir de l'aragonés lenya, fuella, chesa. Bi ha plurals neutros fosilizatos, por eixemplo en Tramacastiella (Entre (ambos) castiellos). En mozarabe de la Val de l'Ebro bi ha plurals neutros fosilizatos en a toponimia: como Urreya, probable evolución d'o plural de Horreum.

Referencias[editar | editar código]

  1. José Damián González-Barros Esquemas de rumano Centro de lingüistica aplicada Atenea, 2004