Foz

De Biquipedia
Ir a la navegación Ir a la búsqueda
Este articlo ye sobre un fenomeno de modelau erosivo fluvial. Pa atros usos se veiga Foz (desambigación).
Envista de la Foz d'Arbayún en Navarra.

Una foz[1] ye un tallo de paretz quasi verticals que ha esgarrapau un río en lo terreno.

Toponimia[editar | editar código]

L'abundancia de terrenos calsinosos en la val d'Ebro y Sistema Iberico ha feito que la palabra foz y atras de la suya familia se troben muito en la toponimia.

Tamién en lo Prepireneu abundan los toponimos con foz: Foz d'Arbayún, Foz de Lumbier, Foz de Biniés, ecetra.

Bi ha atros toponimos referius a foces con atras formas chenericas que dependen de caracteristicas: congostos, focinos, gargantas, palomeras, pasos, ecetra.[2]

Focino[editar | editar código]

La palabra Focino se troba muito en la toponimia de la zona entre las provincias de Teruel y Zaragoza, por eixemplo en Fuent de Todos, y se refiere a barrancos encaixaus de mida mes chica que no las foces.[3] Podría estar un mozarabismo, porque se documenta con fonetica mozarabe en la toponimia churra (El Fuchino).[4]

Igual como foz s'ha castellanizau como hoz en muitos toponimos, la palabra focino se presenta castellanizada a sobén como hocino (y en Vivel como hochino).

Se veiga tamién[editar | editar código]

Referencias[editar | editar código]

  1. (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 212.ISBN 978-84-8094-058-0
  2. (es) Fernando Biarge López, Aurelio Biarge, José Antonio Cuchi, Enrique Salamero: Cañones y barrancos. Un medio excepcional. Editorial: El Patrimonio Natural Altoaragonés, Uesca, 2005, p 21.
  3. (es) José Antonio Domíngues Llovería: Hoces, focinos y focinicos en el entorno de Fuendetodos, publicau en lo libro Comarca de Belchite de la Colección territorio, Gobierno General de Aragón.
  4. (es) Natividad Nebot Calpe: Toponimia del Alto Mijares y del Alto Palancia. Estudio etimológico. Deputación de Castellón de la Plana: Servicio de Publicacions, 1991, p 339.

Bibliografía[editar | editar código]