La Foz de la Viella

De Biquipedia
Ir a la navegación Ir a la búsqueda
La Foz de la Viella
Municipio d'Aragón
La Hoz de la Vieja, Teruel, España, 2017-01-04, DD 91.jpg
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Teruel (province).svg Teruel
Cuencas Meneras
Superficie 43,7 km²
Población
 • Total

96 hab. (2008)
Altaria 932 m.
Distancia
 • 103 km

enta Teruel
Codigo postal 44791
Coordenadas 40°55’ 1’’N 0°49’58’’U
La Foz de la Viella en Aragón
La Foz de la Viella
La Foz de la Viella
Situación de La Foz de la Viella en Aragón
www.LaHozDeLaVieja.com

La Foz de la Viella (La Hoz de La Vieja en castellán) ye un municipio aragonés de la provincia de Teruel, situato en la comarca de las Cuencas Meneras.

La suya población ye de 96 habitants (2008) en una superficie de 43,7 km², con una densidat de población de 2,20 hab/km².

Cheografía[editar | modificar o codigo]

La Foz de la Viella ye situada a piet de la sierra de Mont Albán en las dos marguins de lo río Cantalera, a una altaria de 932 metros sobre lo libel de la mar y a una distancia de 103 km de Teruel, la capital de la suya provincia.

Mugas[editar | modificar o codigo]

Lo suyo termin municipal muga con Obón, con Mont Albán, con la zona d'Armiellas de lo termin municipal de Vivel, con Segura de los Banyos, con Maicas, con Cortes d'Aragón y con Chosa.

Toponimia[editar | modificar o codigo]

Envista de La Foz de la Viella y d'un tormo de rodeno triasico de facies Buntsandstein chunto a la carretera.

Lo toponimo La Foz de la Viella ye descriptivo de la foz que lo traviesa y pareixe transparent en aragonés pero prene lo suyo nombre de los materials terrichenos de lo Triasico inferior de facies Buntsandstein que i afloran. Lo rodeno d'etat triasica u cretacia d'atras zonas de lo Sistema Iberico ha orichinau toponimos mozarabes con la radiz rubiuel y dimpués rubiel que proviene de lo latín RUBEOLUS.

FAUCE(M) RUBEŎLA(M) > Foz rubiuela.

Por etimolochía popular y falsa segmentación cambió ta la Viella:

Foz Rubiuela > Foz Rubiela > Foz la Viella > Foz de la Viella

En Rationes decimarum Hispaniae (1279-80)[1] sale como Foz la Viela (la -ll- a vegadas se presentaba con -l-). En un texto de 1212 sale como Foz la Villa. La forma de la representa un caso de "falsa segmentación".

En lo sieglo XV en los textos se reduce a sobén a La Foz, y puet estar l'orichen d'un apelliu común en Teruel y Baixo Aragón, Lafoz u Lahoz.

En un texto escrito relativo a la Comunidat de Daroca en las actas de lo proceso de Cortz de Zaragoza de 1398-1400 s'escribe como La Foz de la Vieja:

et cum terminis locorum de Villanueva et de la Foz de la Vieja, aldearum ville Montisalbani

En un texto terolán de 1434 sale Foz de la Vieia (tradicionalment s'ha suposau que la I representaba g, j de lo castellán medieval, pero bi ha criterios pa afirmar que en l'aragonés de las comunidatz aragonesas ye como representaban a ch), y en lo fogache de 1495 sale como Foz de la Viexa, con una grafía interpretable tamién en los dos sentius.

La forma con fonetica aragonesa tipica encara se conservaba u se conoixeba en lo sieglo XV, y ye documentada en bell texto orichinario de l'este de la Comunidat de Teruel y textos no catalans escritos en lo Reino de Valencia adrezaus a los aragonesoparlants de la Comunidat de Teruel:

En 1436, lo baile cheneral de Valencia contestaba a una queixa de lo sindico de las aldeyas de la Comunidat de Teruel y de la villa de Mosqueruela asinas:

et closa por el discreto Domingo Agostín, habitant en el lugar de la Foz de la Viella, por auctoridat real notario público por toda la tierra e señoría del señor rey d'Aragón, de la qual suya substitución vos faze occular ostensión

Encara en un texto de 1466 escrito en Cedriellas y en aragonés, s'escribiba La Foz de la Viella:

en la qual nos mandava que poral primer día de octubre enbiasemos nuestros mandaderos e plega general celebradera en el lugar de Montagudo, e en apres continuada al lugar de la Foz de la Viella poral dia de Sant Martin, do, dios mediant, vos dito Bayle, regidores, e toda la terra sera concordada.

Encara en lo sieglo XVI se puet trobar escrito la Foz de la Viella. Quan en l'anyo 1565 fue impresa en la imprenta de Juan Mey de Valencia la compilación de los Fueros de Teruel encara fan una enumeración de las aldeyas que feban part de la Comunidat de Teruel se pueden veyer muitos toponimos con fonetica aragonesa, entre ells la Foz de la Viella.

Esto mos fa pensar que en la metat occidental de la Comunidat de Teruel y en la Comunidat de Daroca debeban dicir La Foz de la Viecha y en la zona oriental de la Comunidat de Teruel a on ye Cedriellas, en Las Tres Bailías y en lo Baixo Aragón deciban La Foz de la Viella. En la primera zona los textos de lo sieglo XV presentan una microtoponimia con toponimos terminaus en -ejo, en la segunda zona documentamos a -ll- en los toponimos (Gargallo), microtoponimos (regallo, castelillo, varello) y lexico ("ligallo", corvella) dica los nuestros días.

Lo proceso de castellanización oficial en lo sieglo XVI implicó que tanto en l'auna zona como en l'atra lo toponimo esdevenise La Hoz de la Viexa primero (con una x clarament interpretable como prepalatal fricativo xordo, pa dimpués en lo sieglo XVII esdevenir La Hoz de la Vieja, con lo cambio d'ixe fonema prepalatal fricativo xordo ta la j velar actual de lo castellán.

Bi ha microtoponimos en aragonés como barranco d'el Vadiello, calle Planiello u lo mesmo río Cantalera. Por un texto de 1177 se conoix lo nombre de dos aldeyas actualment despobladas de la Foz de la Viella: Villarrubio y Cuevas de Santo Domingo.

Administración[editar | modificar o codigo]

Reparto de concellers[editar | modificar o codigo]

Eleccions municipals
Partito 1979 1983 1987 1991 1995 1999 2003 2007 2011
C.Aragón 2
Partido de los Socialistas de Aragón 1
Total 3

Alcaldes[editar | modificar o codigo]

Lista d'alcaldes
Lechislatura Nombre Partito politico
19791983 Teodoro Urbano Chopo Esteban UCD
19831987 Joaquin Gimeno Lahoz
19871991 Joaquin Gimeno Lahoz
19911995 Antonio Lahoz Lahoz PAR
19951999 Antonio Lahoz Lahoz PAR
19992003 Antonio Lahoz Lahoz PAR
20032007 Antonio Lahoz Lahoz PAR
20072011 Antonio Lahoz Lahoz PAR
20112015 Antonio Lahoz Lahoz Compromiso con Aragón
20152019 Jose Luis Ferrer Gimeno Ganar La Hoz de la Vieja
20192023

Puestos d'intrés[editar | modificar o codigo]

Fiestas[editar | modificar o codigo]

Presonalidatz naixitas de La Foz de la Viella[editar | modificar o codigo]

  • José Antonio Nebra Mezquita (1672-1748), organista.
  • Juan Moreno y Polo (1711-1776), organista.
  • Antonio Cabañero y Burguete (1730/35-1822).
  • Charo Pradas (1960), pintora.

Vinclos externos[editar | modificar o codigo]


 
Municipios d'a comarca d'as Cuencas Meneras
Aliaga | Anadón | Arcaine | Blesa | Canyizar de l'Olivar | Cabra | Cortes d'Aragón | Chosa | Cuevas d'Almudén | Escuita | Exarc de la Val | Finollosa d'Exarc | Fuent Ferrada | Maicas | Martín | Mezquita d'Exarc | Mont Albán | Muniesa | Obón | La Foz de la Viella | Palomar | Plou | Salcediello | Segura de los Banyos | Torre de las Arcas | Uesa | Utriellas | Villanueva del Rebollar | Vivel | La Zoma
  1. (es) José Rius Serra: Rationes decimarum Hispaniae (1279-80): Aragón y Navarra. CSIF 1946.