Blesa

	Blesa
	Municipio d'Aragón
Entidat; • País; • Provincia; • Comarca	Municipio; Aragón; Teruel; Cuencas Meneras
Partiu chudicial	Calamocha
Superficie	80,4 km²
Población; • Total	; 74 hab. (2025)
Altaria; • Meyana	; 711 m.
Distancia; • 115 km	; enta Teruel
Alcalde	María Ángeles Cólera Herranz
Codigo postal	44790
Patrons	Sant Chaime y Santa Ana
Parroquial; • Diocesi; • Arcipestrau; • Parroquia	; Teruel y Albarracín; Mont Albán; Santa Cruz
Ríos	Aguas
Coordenadas	41° 3’ 4’’N 0°53’ 10’’U
	Blesa Blesa en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Blesa ye un municipio de la provincia de Teruel, situato en la comarca de las Cuencas Meneras. La suya población yera de 122 habitants (2006) en una superficie de 80,4 km².

Cheografía

Chunto a lo río Aguas, ye chusto en lo cabo de la Depresión d'Ebro y l'encomenzamiento de lo Sistema Iberico. En lo lugar bi ha un plego anticlinal con materials churasicos y nuclio de chesos de lo Triasico Superior (Keuper) con chacintos de Compostela (fa part de la sierra de San Jorge). Dezaga lo plego, a lo sud ye una cuenca sedimentaria terciaria.

Mugas

Lo suyo termin municipal muga con Muniesa, con Plou, con Uesa, con Mont-fort, con Plenas, con Moyuela y con Moneva.

Historia

En 1489 perteneixeba a la sobrecullida de Mont Albán, pero en lo fogache de 1495 figura como una localidat de la sobrecullida de Daroca.^[1]

Toponimia

Blesa ye un toponimo d'etimolochía desconoixita, pero que s'ha quiesto relacionar con lo Bleto (puesto con Bletos). Lo parexito con la planta Blesa/Belesa puede estar un caso d'homonimia. Blesa ye un apellito present en Sant Per de Calanda, y se pareix a bel antroponimo romano documentato tipo Belsa, que tamién ye un apellito, n'este caso documentato en Foz Espalda y Mosqueruela.

En Blesa bi ha microtoponimos como Abellar, Balsete d'el Abellar, Collado de la Fuesa, Cuesta Roya, Hoyica Esgarrata, Varcallén (de "Val Calient"), Lagunas, Navallo, Plano, Plana de Jaime, Royos,^[2] con la fonetica aragonesa tipica de l'aragonés de la Val de l'Ebro. Manimenos tamién hi ha toponimos que han perdiu la f- inicial por castellanización: Arreñales, Herreñal del Palomar, El Hocino.

Parla

En Blesa como en toda la comarca se charra un castellano con substrato aragonés (parla baturra). En la toponimia blesina mos trobamos uno de los pocos casos de participios en -ato, -ito conservaus en Teruel: hoyica Esgarrata, por la embotata de la familia propietaria. Atra parola intresant que se i conserva ye garafullo.

Demografía

Evolución demografica

1362 f	1495 f	1842	1857	1860	1877	1887	1897	1900
-	125	-	1.292	-	-	-	-	1.325

1910	1920	1930	1940	1950	1960	1970	1981	1991
-	-	-	1.081	-	-	-	215	165

1992	1994	1996	1997	1998	1999	2000	2001	2002
-	-	-	-	156	156	156	149	142

2003	2004	2005	2006	2007	2008	2009	2010	2011
139	142	135	122	123	124	123	121	132

2012	2013	2014	2015	2016	2017	2018	2019	2020
125	118	109	109	101	97	95	94	92

2021	2022	2023	2024	2025	2026	2027	2028	-
85	88	-	-	-	-	-	-	-

1362-1495: fuegos; 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Compromiso con Aragón									4
Partido Popular									1
Total									5

Alcaldes

Lista d'alcaldes
Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	María Ángeles Cólera Herranz
2011–2015	María Ángeles Cólera Herranz	Compromiso con Aragón
2015–2019
2019–2023
2023–2027	Joaquin Miguel Calvo Castro ^[3]	Partido Popular de Aragón

Puestos d'intrés

Museu d'a fustería y forga.
Ilesia d'a Santa Cruz.

Fiestas

17 de chinero, Sant Antón.
15 de mayo, Sant Isidro Labrador.
25 y 26 de chulio, fiestas mayors (Sant Chaime y Santa Ana).

Referencias

↑ (es) María Isabel Falcón Pérez: Aportación al estudio de la población aragonesa a fines del siglo XV. Aragon en la Edad Media, nº5, 1983, p 259. ISSN 0213-2486.
↑ Francisco Javier Lozano Allueva: Topónimos del término municipal de Blesa (Teruel). Asociación cultural "El Hocino" de Blesa, 2004
↑ (es) Consulta el listado de alcaldes que han sido proclamados en Aragón en Heraldo de Aragón

Vinclos externos

Municipios d'a comarca d'as Cuencas Meneras

Datos: Q379234
Multimedia: Blesa / Q379234

[1] (es) María Isabel Falcón Pérez: Aportación al estudio de la población aragonesa a fines del siglo XV. Aragon en la Edad Media, nº5, 1983, p 259. ISSN 0213-2486.

[2] Francisco Javier Lozano Allueva: Topónimos del término municipal de Blesa (Teruel). Asociación cultural "El Hocino" de Blesa, 2004

[3] (es) Consulta el listado de alcaldes que han sido proclamados en Aragón en Heraldo de Aragón

[1]

[2]

[3]