Sobrecullida de Mont Albán

Sobrecullida de Mont Albán
Sobrecullida d'o Reino d'Aragón
Entidat  • Estato  • País	Sobrecullida Corona d'Aragón Reino d'Aragón
Capital	Mont Albán
Subdivisions	27 cullidas (16 cullidas mugants)
Idioma oficial	Aragonés
Tipo	Sobrecullida
Duración	Sieglos XIV-XV
Recauto	5-10%

La sobrecullida de Mont Albán estió la sobrecullida creyada en la partida oriental de Sistema Iberico perteneixient a lo Reino d'Aragón. En los primers tiempos la sobrecullida de Mont Albán teneba una función de collir impuestos sobre mercaderías que se moveban entre los reinos d'Aragón y Valencia, estando una de las suyas tablas mes importants Las Barracas de los Chaqueses. Manimenos lo sistema de sobrecullidas fue evolucionando en los sieglos XIV y XV y la sobrecullida de Mont Albán prenió funcions mes amplas a l'igual que las atras. La sobrecullida de Mont Albán plegó a ocupar un amplo y compacto territorio en lo sud de lo Reino d'Aragón.

Lo territorio de la sobrecullida de Mont Albán crebaba la continuidat territorial de la sobrecullida de Teruel (con la que mugaba a l'ueste), y tamién mugaba con la sobrecullida de Daroca (a lo norueste), la sobrecullida de Zaragoza (a lo norte), y la sobrecullida d'Alcanyiz (a lo noeste).

En 1446 las cullidas que constaban como de la sobrecullida de Mont Albán yeran Alcalá de la Selva, Allepuz, Las Barracas de los Chaqueses, Bordón, Cantaviella, La Canyada de Benatanduz, La Cuba, Las Cuevas de Canyart, Fortanet, Fuents, Gúdar, La Iglesuela, Linars de Mora, Luco de Bordón, Mirambel, Mont Albán, Mora, Mosqueruela, Olba, Puertomingalvo, Rubiuelos de Mora, Sant Agostín, Tronchón, Valbona, Val de Linars, Villar Luengo y Villarroya de los Pinars. Manimenos en anyadas posteriors i adhibioron atras localidaz a costa d'atras sobrecullidas.

Bibliografía

• (es) Ramón Biel Ortín: La historia de Montalbán a través de sus divisiones administrativas. Cantalobos, primer trimestre, 2002.
• (es) Antonio Ubieto Arteta: Historia de Aragón Divisiones Administrativas, Anubar, 1983.
• (es) María Isabel Falcón Pérez: Libro del reparo del General de Aragón (1489-1498): fogajes de 1489, 1490 y 1491. Anubar, 1987
• (es) María Isabel Falcón Pérez: Aportación al estudio de la población aragonesa a fines del siglo XV. Aragon en la Edad Media, nº5, 1983, pachinas 255-302. ISSN 0213-2486.

Vinclos externos

• (es) Cullidas d'o cheneral en GEA

• Datos: Q15630695