Rudiella

Rudiella Rudilla
Lugar d'Aragón
Entidat  • País  • Provincia  • Comarca  • Municipio	Lugar  Aragón  Teruel Cuencas Meneras Uesa
Partiu chudicial	Calamocha
Población  • Total	5 hab. (1999)
Altaria  • Meyana	1.124 m.
Codigo postal	44213
Parroquial  • Diocesi  • Arcipestrau  • Parroquia	Teruel y Albarracín Calamocha Sant Pero Apóstol
Coordenadas	41° 0’ 1’’N 1° 0’47’’U
Rudiella Rudiella en Aragón

Rudiella (Rudilla en castellano) ye un lugar aragonés en a comarca d'as Cuencas Meneras y provincia de Teruel, perteneixient a lo municipio de Uesa.

En l'anyo 1999 teneba una población de 5 habitants.

Cheografía

Rudiella ye situada a 1.124 metros d'altaria sobre lo livel d'a mar, a lo sud-ueste de lo nuclio de Uesa en una prolongación luenga de l'actual termin municipal de Uesa rodeyada por Anadón a lo sud-este, Allueva a lo sud-ueste, Fuent Frida a l'ueste l'aria de Perafita d'o termin de Loscos a lo nord-ueste y Mont-fort a lo norte.

Ye amán d'o puerto de Rudiella, de 1.245 metros d'altaria.

Historia

Perteneixió a la seixma de Trassierra d'a Comunidat de Daroca y no a la Honor de Uesa.

Mientres a Guerra Civil, o frent de combate yera amán d'o lugar y estió destruyiu por os bombardeyos.

Dimpués d'a guerra, dende los anyos 1950 dica 1970 tenió una grieu despoblación, emigrando los suyos habitants prencipalment enta Zaragoza.

Toponimia

As formas toponimicas documentadas son Fuent Arodiella en as primicias de 1279-1280 y Rudiella en atros textos como lo fogache de 1495. Esta zaguera dió por castellanización fonetica l'actual Rudilla.

A forma que trobamos en las primicias de 1279-1280 ye intresant porque ye en linia con atros toponimos documentals aragoneses con a debant de r (Arricla, Arrotellares, Camp Arretunyo, etcetera...), y se considera una influencia linguistica basca en l'aragonés, sobre tot en l'aragonés medieval de l'Alto Aragón.

Demografía

Evolución demografica

1362 f 1495 f 1842 1857 1860 1877 1887 1897 1900 - - 256 290 312 307 280 267 269

1910 1920 1930 1940 1950 1960 1970 1981 1991 331 271 287 176 203 160 30 - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Vinclos externos

• Se veigan as imáchens de Commons sobre Rudilla.

Lugars d'o municipio de Uesa
Uesa | Rudiella

• Datos: Q13050030
• Multimedia: Rudilla / Q13050030