Obón

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Obón
Municipio d'Aragón
Escudo d'armas
Envista d'Obón
Envista d'Obón.
Entidat
 • País
 • Provincia
 • Comarca
Municipio
 Aragón
 Teruel
Cuencas Meneras
Partiu chudicial Calamocha
Superficie 68,4 km²
Población
 • Total

35 hab. (2013)
Altaria
 • Meyana

685 m.
Distancia
 • 120 km

enta Teruel
Alcalde José Angel Villuendas
Codigo postal 44792
Parroquial
 • Diocesi
 • Arcipestrau

Teruel y Albarracín
Mont Albán
Coordenadas
Obón ubicada en Aragón
Obón
Obón
Obón en Aragón

Obón ye un municipio aragonés de la provincia de Teruel, situau en la comarca de las Cuencas Meneras. La suya población ye de 45 habitants (2018) en una superficie de 68,4 km², con una densidat de población de 0,64 hab./km².

Cheografía[editar | modificar o codigo]

Obón ye situau en las serranías marguinals de lo Sistema Iberico a lo nord-este de la sierra de Mont Albán, chunto a lo río Martín y a la suya ezquierda, un poquet mas abaixo de lo forcallo con lo río de Cabra y a lo sud de lo pantano de Cueva Foradada. Ye a 685 m. d'altaria dencima de lo livel d'a mar y en lo costau norte d'un plego sinclinal de gran radio (sinclinal d'Obon), entre los anticlinals de Mont Albán y d'Arcaine.[1] Este plego presenta materials cretacios en lo suyo nuclio, que afloran en lo cabezo de las Chornas, en la loma de las Canteras y en lo cabezo de Sant Miguel, pero lo nuclio habitau d'Obón ye sobre materials churasicos y sobre part de la ribera cuaternaria de Martín, a on que tamién ye la huerta.

Obón ye a 120 km de Teruel, la capital de la suya provincia.

Mugas[editar | modificar o codigo]

Lo suyo termin municipal muga con Estercuel, Torre de las Arcas, Mont Albán, La Foz de la Viella, Chosa y Arcaine.

Chosa Arcaine Estercuel
La Foz de la Viella Estercuel
Mont Albán Torre de las Arcas Torre de las Arcas

Historia[editar | modificar o codigo]

En la Cueva de los Huesos bi ha un chacimiento paleontolochico con fauna de lo Pleistoceno meyo.

Bi ha tres conchuntos d'arte rupestre levantín: Focino de Chornas, Cerrau y Coquinera; lo primero ye curioso porque tiene la representación d'un hombre que pareixe negroide, lo segundo ye de lo mesmo estilo que lo de la Val d'el Charco del Agua Amarga (Val d'Algorfa).[2]

I habió un castiello en 1179, que perteneixeba a los Atrosiello en 1247, cuan se sabe que Obón teneba la categoría de villa. Dende 1414 lo castiello perteneixió a los Bardaxí, que yeran sinyors de la Baronía d'Estercuel. En la baixa Edat Meya i habió aldeyas que por despoblación se convertioron en las villarizas de lo termin municipal d'Obón: Chornas, Los Mases, Oleas, Regallo, Villuendas, El Cercellar, y El Cerrau.[3]

Entre 1488 y 1495 Obon feba part de la sobrecollida d'Alcaniz, y en 1646 yera tamién en la vereda d'Alcanyiz. Entre 1711 y 1833 feba part de lo correchimiento d'Alcanyiz. En 1857 teneba la categoría de lugar. Estió en lo partiu chudicial de Mont Albán pero en 1965 pasó a lo partiu chudicial de Calamocha.[4]

Toponimia[editar | modificar o codigo]

La primera mención d'Obón ye en 1177 como Ovonziello en un texto que fa referencia a la Comunidat de Teruel y la suya repoblación. En 1179 se'n fa mención atra vegada, como Ovon, cuan Alifonso II dió la villa d'Alcanyiz a la Orden de Calatrava, con muga en lo río Martín quedando Ovon fuera de lo territorio calatravo.

Entre los microtoponimos con components en aragonés tenemos Torretón, nombre de los restos de lo castiello de 1179. Bi ha un barranco de Regallo que debe estar relacionau con la villariza (pardina) homonima, y una hilada de Inisiella.

Luengas y parlas[editar | modificar o codigo]

Actualment en Obón, como en toda la comarca de las Cuencas Meneras se charra lo castellano rechional d'Aragón, con substrato lingüistico provinient de l'aragonés que se charró en la baixa Edat Meya en lo sud de la val d'Ebro.

Parte de lo lexico aragonés d'Obón se replegó en los anyos 1980 y se publicó en la revista Rolde. Destacan aragonesismos foneticos no conoixius en lugars d'arredol (por manca d'investigación) como Oliviella, ofridero, calelluela y un resto de participio en -ato: esbarato.

Demografía[editar | modificar o codigo]

Evolución demografica
2012 2013 2014 2015 2016 2017 2018 2019 2020
- - - - - - 45 - -

2021 2022 2023 2024 2025 2026 2027 2028 -
- 35 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | modificar o codigo]

Reparto de concellers[editar | modificar o codigo]

Eleccions municipals[5]
Partiu 1979 1983 1987 1991 1995 1999 2003 2007 2011 2015 2019
Partido Aragonés - 1 - - 0 0 0 0 - 2 2
Partido de los Socialistas de Aragón - 4 1 1 1 1 1 1 1 1 1
Unión de Centro Democrático 5 - - - - - - - - - -
Total 5 5 1 1 1 1 1 1 1 3 3

Alcaldes[editar | modificar o codigo]

Lista d'alcaldes
Lechislatura Nombre Partiu politico
19791983 José Villuendas Comín UCD
19831987 Miguel Villuendas Martín PSOE
19871991 Miguel Villuendas Martín PSOE
19911995 Miguel Villuendas Martín PSOE
19951999 Miguel Villuendas Martín PSOE
19992003 Miguel Villuendas Martín PSOE
20032007 Miguel Villuendas Martín PSOE
20072011 Miguel Villuendas Martín PSOE
20112012 Miguel Villuendas Martín PSOE
2012-2015 José Luis Molina Martín PSOE
20152019
20192023

Puestos d'intrés[editar | modificar o codigo]

  • Casa d'a Villa.
  • Ilesia de l'Asumpción.
  • Ermita de Sant Miguel.

Fiestas[editar | modificar o codigo]

Calvario d'Obón

Referencias[editar | modificar o codigo]

  1. (es) Marcos Aurell Cardona, Beatriz Bádenas, Antonio Casas Sainz, Santiago Alberto Moralejo: La geología del Parque Cultural del río Martín. Colección Parque Cultural del río Martín. Zaragoza, 2011. pp 68-69, pp 120-121.
  2. (es) Antonio Beltrán Martínes: El arte rupestre en la provincia de Teruel. "Cartillas Turolenses Nº 5". Instituto de Estudios Turolenses, 1986, pp 34-36.
  3. (es) M.J. Berrondo Urdampilleta: Datos históricos de Alcaine y Obón. Publicau en Teruel: Revista del Instituto de Estudios Turolenses, Vol. 87, nº 2, 1999, pp. 22-23.
  4. (es) UBIETO ARTETA, Antonio: Historia de Aragón. Los pueblos y los despoblados II (Anubar ediciones. Zaragoza, 1984). p 937.
  5. Archivo electoral


Lugars desapareixius d'o municipio d'Obón
El Cercellar | El Cerrau | Chornas | Los Mases | Obón | Oleas | El Regallo | Villuendas