La Zaida

La Zaida
Municipio d'Aragón
Entidat  • País  • Provincia  • Comarca	Municipio Aragón  Zaragoza Ribera Baixa de l'Ebro
Superficie	17,36 km²
Población  • Total	461 hab. (2016)
Altaria	156 m.
Distancia  • 55 km	enta Zaragoza
Codigo postal	50784
Ríos	Ebro, río Lopín
Coordenatas	41°19’37’’N 0°25’40’’U
La Zaida Situación de La Zaida en Aragón

La Zaida ye un municipio de la provincia de Zaragoza, con 473 habitants (2015), en una superficie de 17,36 km² y una densidat de 27,71 hab/km²

Cheografía

La Zaida ye situada en la marguin dreita u sud de l'Ebro, en una plana, en una zona de meandros, (en a Ribera d'Ebro en dicen Vueltas).

Mugas

Lo suyo termin municipal muga con Zaila, con un enclau de lo termin de Belchit dito El Real, con Viliella d'Ebro, con Alforc, con Sastago, con una part de lo termin de La Puebla d'Íxar correspondient a lo despoblau de La Romana y con Zaila.

Belchit	Viliella d'Ebro	Alforc
Zaila		Sastago
	La Puebla d'Íxar

Toponimia

Lo toponimo La Zaida pareix tener relación con la palabra arabe pa dicir ripa. En aragonés medieval la parabra arabe Záida s'emplegaba en romanz como zeida con lo significau de "terreno adchacent", como se vei en este texto latín de 1090:

ad te Garcia Ennecones de Asieso, de illa almunia de Ariestolis et illa zeida, cum suis terminis

.

Manimenos, no ye de descartar que siga l'arabización de una palabra que tienga relación con os sedetans, como s'ha dito d'Zaila.

Clama l'atención un nombre de Zaica, la Richuela (interpretable a partir de "rechola" u de "rigachuelo"), Lejas, (antigo "lexas" u "lechas", tierras que dixa o río), Barranco de Lopín, Lopico y La Torraza.

Luengas y parlas

Actualment en La Zaida, como en toda la Ribera Baixa de l'Ebro se charra lo castellán rechional d'Aragón, con substrato lingüistico provinient de l'aragonés que se charraba en la val michana de l'Ebro.

Como ye tipico de la Ribera Baixa de l'Ebro y Baixo Aragón, se conserva muito lexico aragonés, (la tamariz, comparanza) y mesmo aragonesismos foneticos (roncollo, esgallar, fito). La chent viella recuerda haber sentiu lo pronombre adverbial n en verbos reflexivos de movimiento: me'n voi al campo.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									6
Partido Popular									1
Total									7

Alcaldes

Lista d'alcaldes

Lechislatura	Nombre	Partiu politico
1979–1983	Eliseo Falcón Artal	Independient
1983–1987
1987–1991
1991–1995
1995–1999
1999–2003
2003–2007	Salvador Soriano Casamián	Partido de los Socialistas de Aragón
2007–2011	Salvador Soriano Casamián	Partido de los Socialistas de Aragón
2011–2015	Salvador Soriano Casamián	Partido de los Socialistas de Aragón
2015-2019	Salvador Soriano Casamián	Partido de los Socialistas de Aragón

Molimentos

• La Torraza, con elementos goticos, en estau d'enruna, ye una casa con restos d'una torraza semicercular.

Fiestas

• Santa Agueda, 5 de febrero
• Sant Roque, 16 d'agosto
• Santa Bárbara, 4 d'aviento.

Vinclos externos

• http://www.lazaida.es/