Capra pyrenaica hispanica

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Capra pyrenaica hispanica
Craba montesina en Sierra Nevada.
Estato de conservación
Clasificación scientifica
Dominio: Eukaryota Reino: Animalia Filo: Chordata Clase: Mammalia Orden: Artiodactyla Familia: Bovidae Subfamilia: Caprinae Chenero: Capra Especie: C. pyrenaica Subespecie: C. p. hispanica
Nomenclatura trinomial
Capra pyrenaica hispanica
Schimper, 1848

Capra pyrenaica hispanica ye una subespecie de craba salvachina iberica Capra pyrenaica propia d'as sierras de l'este y sud d'a Peninsula Iberica. Poblacions muito importants se troban en as serranías d'as provincias de Castellón, Teruel y sud de Tarragona como os Puertos de Bezeit, a on que bi ha una reserva feita pa estas crabas.

Denominacions

De seguro que a los masclos d'a subespecie lis dirían en l'aragonés d'o Baixo Aragón "boques", "bucos" (parabras que encara designan a los masclos d'a crabas domesticas) u "bucardos". En 1489 diciban "craba salvachina" en esta especie en aragonés local, como amuestra un texto de Las Cuevas de Canyart:

Item es condicion que si sera caso que vos dito arrendador, o carnicero, mataredes ovellas crabas salvaginas, o bueyes, o vaquas que aquella e aquellas siades tenido tallar apart en otra tavla de cabal et fuera de las ditas casetas

Distribución

Actualment a especie ye en recuperación y s'extendilla dende os enclaus on quedó restreita dica o sieglo XX. Estos enclaus corresponden a sierras y serranías con baixa densidat de población humana: Puertos de Bezeit, Mayestrato, (terolano y castellonés), a Serranía de Cuenca, a Muela de Cortes (Valencia castellana), Sierra d'Alcaraz, Sierra de Cazorla, Sierra de Segura, Sierra Madrona, Sierra Nevada, Sierra de Tejeda, Sierra d'Almijara, Serranía de Ronda y Sierra de Grazalema.

Actualment as crabas salvachinas d'as Cuencas Meneras y Puertos de Bezeit son recolonizando a Val d'Ebro, a on por l'arte levantín sabemos que en a prehistoria yeran presents, y n'han vistas en o Baixo Martín y en a redolada de Val Madriz.