Chuseu

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Chuseu
Lugar d'Aragón
Entidat
 • País
 • Provincia
 • Comarca
 • Municipio
Lugar
 Aragón
 Uesca
Ribagorza
Graus
Partiu chudicial Balbastro
Población
 • Total

18 hab.
Altaria
 • Meyana

778 m.
Distancia
 • 97 km

enta Uesca
Codigo postal 22430
Parroquial
 • Diocesi
 • Arcipestrau

Balbastro-Monzón
Sobrarbe-Ribagorza
Coordenadas
Chuseu ubicada en Aragón
Chuseu
Chuseu
Chuseu en Aragón

Chuseu (en grafía SLA Juseu , en catalán Jusseu, en castellano Juseu) ye un lugar a 13 km de Graus y pertenexient a este municipio, situau en la comarca de Ribagorza. En 2019 teneba 18 habitants.

Cheografía[editar | modificar o codigo]

Chuseu ye a lo norte de la sierra de la Carrodilla. Bi ha una buena envista de la val de Sarrón.

Toponimia[editar | modificar o codigo]

Seguntes Coromines lo toponimo vien de IOVIS AEDES u templo de Chupiter:

  • IOVIS AEDES > Jov seu > Chuseu.

En las primeras mencions documentals en 987 escribiban n (jonsed, jonsed) en cuenta de u, se crei que como error de copista, pero que puet estar pa amagar lo recuerdo pagán y fer-lo mas pareixiu a puesto con chuncos. En un texto de lo "Cartulario de Roda" de 1011-1017 se vei clarament Joveset.

Molimentos[editar | modificar o codigo]

  • Ilesia parroquial de Sant Chulián, sieglo XVIII.
  • Restas d'un castiello-fortaleza.
  • Ermita de Sant Salvador (uno de los epitetos de Chupiter yera SOTER salvador).

Luengas y parlas[editar | modificar o codigo]

La parla tradicional de Chuseu ye l'aragonés baixo-ribagorzano, en grau abanzau de substitución por part de lo castellano. Lo baixo-ribagorzano de Chuseu ye en una zona de de transición estricta u microcheografica entre l'aragonés y catalán. Seguntes lo mapa feito por Artur Quintana i Font la linia Chuseu-Torres-Alins desparte a l'este parlas catalanas de transición enta l'aragonés y a l'ueste parlas aragonesas de transición enta lo catalán.

En Chuseu y Aler lo participio de lo verbo ser ye en -ito, sito, relacionau con set de lo catalán nordoccidental de bel lugar d'Aragón u que muga con Aragón, y sit de lo maellán.[1] En Chuseu y Torres bi ha ciertas palabras no diftongadas como espòna (pronunciada con o ubierta).

Unatra cosa intresant de la parla de transición de Chuseu y d'atros lugars de la val de Sarrón, como Aler y Torres, ye que la terminación -rn de lo catalán se prenuncia -rt (fort, hivèrt, infèrt en cuenta de forn, hivern y infern).

Fiestas[editar | modificar o codigo]

Referencias[editar | modificar o codigo]

  1. (ca) Artur Quintana i Font: Els parlars del Baix Matarranya, Estudis de Llengua i Literatura Catalanes, XIV. Publicacions de l'Abadia de Montserrat, Barcelona, pàg. 155-187. 1987.