Aragonés meridional

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aragonés meridional
Variedaz de l'aragonés
Parlas meridionals de l'aragonés
Localización cheografica
Estau	{{{estau}}}
País	Aragón
Rechión	{{{rechión}}}
Parlau en	Semontanos
Lugars principals	Fuencalderas, Ayerbe, Nocito, Uesca, Adauesca, Almudévar, Balbastro
Estatus
Atras denominacions	{{{atras denominacions}}}
Charradors
Oficial en	{{{oficial}}}
Reconoixiu en	{{{reconoixiu}}}
Regulau por	{{{regulau}}}
Vitalidat	Baixa
Literatura
Escritors principals	Chuana Coscujuela, Pedro Arnal Cavero
Rasgos dialectals
Clasificación lingüistica
Indoeuropea Romance Romance occidental Occitanorromanica u iberorromanica Aragonés Aragonés meridional
ISO 639-1	{{{iso1}}}
ISO 639-2	{{{iso2}}}
ISO 639-3	{{{iso3}}}
SIL	{{{sil}}}

L'aragonés meridional u aragonés semontanés^[1] ye mas que mas l'aragonés d'o Semontano Pirenaico, pero de feito ocupa terrenos d'o Prepireneu y no ye diferent de lo que se charraba en os Monegros. No existe una muga clara y neta ni con o chaqués ni con o sarrablés ni con o sobrarbés. Se puede considerar a o fovano como a forma de transición entre l'aragonés meridional y o ribagorzano y a o chaqués d'o cuadrilatero Lerés-Frauca-Samianigo-Larrés como a forma de transición dende o chaqués enta l'aragonés meridional y l'aragonés d'a Tierra de Biescas.

Ye mas igual entre todas as comarcas (no existe o condicionant topografico de vals isolatas que permiten una evolución cada parzana/val a o suyo aire). As innovacions u las trazas mas chenerals s'estendillan con facilidat por todas as comarcas semontanesas. Sindembargo tamién ye lo mas castellanizato, por a mesma razón.

En as zagueras decadas a erosion lingüistica ha feito que os zaguers elementos aragoneses conservaus en os anyos 1950-1960, s'haigan perdito en a suya mas gran parte. Hue lo que se siente mas que mas ye como un castellano con l'articlo aragonés cheneral, o, os, a, as, a particla pronomino-adverbial en/ne, a construcción le'n, les ne, a preposición ta y o deminutivo –ed/-er eta.

Fonetica[editar | modificar o codigo]

Sonorización d'as xordas intervocalicas latinas fueras de casos isolatos de conservación: forato, melico, parete, rete, que pueden trobar-sen mesmo que en o castellano de sustrato aragonés de Teruel.
Existen tamién casos, menos que os anteriors de sonorización d'a oclusiva tras liquida.
Se troban muito a sobén castellanismos foneticos: ocho, noche, ablar.
Cheada: o fonema -x- se pierde a sobén por a presión castellana y se torna -ch-, pero en bel lugar tot y que se pierde en cheneral, se mantién en o demostrativo ixe, ixa, ixo, ixos, ixas.
Tamién se troban muito cosas en común con o castellano rustico, vulgarismos, etc: haiga, faiga, vaiga (que contrasta con l'aragonés de bellas vals axials: haya, faya, vaya, pero que s'ha agafato pa l'aragonés estandard).
Podemos trobar aragonesizacions por hipercorrección: coniello en cuenta de conillo.